«اقتوبە» فۋتبول كلۋبىنىڭ ەكس-ويىنشىسى الەكساندر ساۆچەنكو 45 جاسىندا قايتىس بولدى دەپ حابارلايدى «ادىرنا» ۇلتتىق پورتالىنىڭ ءتىلشىسى.
ىندەتكە قارسى ەكپە سالدىرعان ا.ساۆچەنكو بىرنەشە كۇننەن كەيىن ينسۋلت العان، سودان سوڭ جان ساقتاۋ بولىمىنە جاتقىزىلعان. الدىن الا بولجام بويىنشا ءينسۋلتتىڭ باستى سەبەبى كوروناۆيرۋس بولۋى مۇمكىن.
ال اقتوبە وبلىستىق دەنساۋلىق ساقتاۋ باسقارماسىنىڭ باسشىسى رۇستەم يساەۆ سپورتشىنىڭ قايتىس بولۋىنىڭ باستى سەبەبى ميداعى ىسىك ەكەنىن ايتادى.
— ميداعى ىسىك كارديوەمبوليكالىق ينسۋلت شاقىرۋى مۇمكىن. بۇل — جۇرەك فيبريللياتسياسى. ۆاكتسينانىڭ بۇعان قاتىسى جوق، — دەيدى ول.
سپورتشىنىڭ نەدەن كوز جۇمعاندىعى الداعى ۋاقىتتا گيستولوگيالىق زەرتتەۋ ناتيجەسىنەن سوڭ بەلگىلى بولادى.
ايتا كەتۋ كەرەك، الەكساندر ساۆچەنكو «اقتوبە» فۋتبول كومانداسىندا 1993-2002 جىلدار ارالىعىندا وينادى. ول پرەمەر-ليگادا بارلىعى 164 ماتچقا قاتىسقان.
