قازاقستان رەسپۋبليكاسى كونستيتۋتسياسىنىڭ 30 جىلدىعى قارساڭىندا قازاقستاننىڭ الپينيزم جانە قۇزعا شىعۋ فەدەراتسياسىنىڭ مۇشەسى عالىمجان قۇسپانوۆ 26 تامىزدا يراننىڭ ەڭ بيىك شىڭى – داماۆاند شىڭىن (5671 م) باعىندىردى. بۇل تۋرالى تەگەرانداعى قازاقستان ەلشىلىگى جازدى، دەپ حابارلايدى “ادىرنا”.
عالىمجان قۇسپانوۆ — تەك قازاقستاندا عانا ەمەس، حالىقارالىق دەڭگەيدە دە تانىمال الپينيستەردىڭ ءبىرى. ول بۇعان دەيىن ءۇش اۋقىمدى جوباعا قاتىسىپ، ەرەكشە شەبەرلىك پەن توزىمدىلىكتى تانىتقان:
- «قۇرلىقتىڭ ەڭ بيىك 7 شىڭى»;
- «قۇرلىقتىڭ ەڭ بيىك 7 جانارتاۋى»;
- «قار بارىسى» باعدارلاماسى.
ايتا كەتسەك، داماۆاند — ازياداعى ەڭ بيىك جانارتاۋلاردىڭ ءارى يراننىڭ ۇلتتىق سيمۆولدارىنىڭ ءبىرى. وعان كوتەرىلۋ تەك فيزيكالىق دايىندىقتى عانا ەمەس، سونداي-اق جوعارى بيىكتىككە بەيىمدەلۋدى تالاپ ەتەتىن كۇردەلى ەكسپەديتسيا.
ۇقساس جاڭالىقتار
