Ūlytau oblysynyŋ Polisiia departamentınde jeke qūram arasynda zaŋdylyq pen qyzmettık tärtıptı saqtau mäselelerıne arnalǧan tärbielık jinalys öttı.
Is-şaraǧa jeke qūrammen jūmys jönındegı basqarmanyŋ bastyǧy, polisiia polkovnigı Aldiiar Äbışev, Özındık qauıpsızdık basqarmasynyŋ jäne jeke qūram boiynşa inspeksiianyŋ jauapty ofiserlerı qatysty.
Jiyn barysynda qyzmetkerlerdıŋ qūqyqtyq mädenietın arttyru, ışkı tärtıp pen qyzmettık etikany saqtau, sybailas jemqorlyq qūqyqbūzuşylyqtardyŋ aldyn alu, sondai-aq azamattarmen qarym-qatynasta ädebı joǧary, jauapkerşılıgı mol maman bolu qajettılıgı atap ötıldı.
Polisiia polkovnigı Aldiiar Äbışev öz sözınde ärbır tärtıp saqşysynyŋ basty mındetı – zaŋdy qataŋ saqtau, qoǧam senımın aqtau jäne azamattarǧa ülgı bolu ekenın aitty.
Ol sondai-aq, qyzmetkerlerdı jūmys barysynda adaldyq, ädıldık jäne käsıbilık qaǧidattaryn ūstanuǧa şaqyrdy.
Jiyn soŋynda jeke qūram arasynda profilaktikalyq tüsındıru jūmystary jürgızılıp, qyzmettık tärtıptı būzǧan jaǧdaida qoldanylatyn şaralar tüsındırıldı.
Mūndai şaralar qūqyq qorǧau organdaryndaǧy tärtıp pen jauapkerşılıktı nyǧaituǧa, sondai-aq qyzmetkerlerdıŋ moraldyq-adamgerşılık kelbetın arttyruǧa baǧyttalǧan.
