اقتوبە وبلىسىندا 9-سىنىپ وقۋشىسىنىڭ جۇكتى بولىپ، بوسانۋ فاكتىسى بويىنشا تەرگەۋ امالدارى ءجۇرىپ جاتىر، دەپ حابارلايدى "ادىرنا" ۇلتتىق پورتالى.
بۇل تۋرالى وبلىستىق پوليتسيا دەپارتامەنتىنىڭ ءباسپاسوز قىزمەتى حابارلادى.
ۆەدومستۆو مالىمەتىنشە، اتالعان وقيعا بويىنشا قىلمىستىق ءىس قوزعالىپ، كۇدىكتى تۇلعا انىقتالىپ، قاماۋعا الىنعان.
«پوليتسيا قىزمەتكەرلەرى اتالعان دەرەك بويىنشا قىلمىستىق ءىستى تىركەدى. كۇدىكتى تۇلعا ۇستالىپ، قاماۋعا الىندى. قازىرگى ۋاقىتتا بولعان جاعدايدىڭ بارلىق ءمان-جايىن، سەبەپتەرى مەن وعان ىقپال ەتكەن جاعدايلاردى انىقتاۋعا باعىتتالعان سوتقا دەيىنگى تەرگەۋ امالدارى جۇرگىزىلىپ جاتىر. تەرگەۋ اياسىندا كەشەندى تەرگەۋ جانە پروتسەسسۋالدىق شارالار اتقارىلۋدا»، — دەپ مالىمدەدى اقتوبە وبلىستىق پد ءباسپاسوز قىزمەتى.
قۇقىق قورعاۋ ورگاندارىنىڭ حابارلاۋىنشا، ءىستىڭ تەرگەۋ بارىسى وبلىستىق پوليتسيا دەپارتامەنتى باسشىلىعىنىڭ ەرەكشە باقىلاۋىندا.
