اقتوبە وبلىسىنىڭ پوليتسيا دەپارتامەنتى وبلىس ورتالىعىن دۇرلىكتىرگەن اقتوبەلىك تۇرعىندى ءولتىرۋ ءىسىنىڭ اشىلعانىن حابارلادى، - دەپ حابارلايدى “ادىرنا” ۇلتتىق پورتالى.
9 ماۋسىم كۇنى 55 جاستاعى ايەل كولىگىن ساتۋ ءۇشىن كولىك بازارىنا شىعىپ، جوعالىپ كەتكەن. جوعالعان ايەلدىڭ تۋىستارى پوليتسياعا حابارلاسقان.
«وسى ءوتىنىش بويىنشا جەكە قۇرام دەرەۋ حاباردار ەتىلىپ، قىلمىس بەلگىلەرىنىڭ بولۋىنا بايلانىستى قىلمىستىق كودەكستىڭ 99 جانە 192-باپتارى – كىسى ولتىرۋمەن بايلانىستى توناۋ بويىنشا سوتقا دەيىنگى تەرگەۋ امالدارى تىركەلدى»، - دەپ حابارلادى وبلىستىق پوليتسيا.
پوليتسەيلەر كۇدىكتىنى كىدىرىسسىز انىقتاي الدى. ونىڭ تۇرعىلىقتى جەرىندەگى گاراجدان ۇرلانعان كولىك تابىلدى. ول ۇستالىپ، ۋاقىتشا ۇستاۋ يزولياتورىنا قامالدى.
ءتارتىپ ساقشىلارى دا قالا سىرتىنداعى اۋماقتى تارازىلاپ، زورلىقپەن ءولىم بەلگىلەرى بار ايەلدىڭ دەنەسىن تاپتى.
«اتالعان ءىس بويىنشا ساراپتاما تاعايىندالدى، تەرگەۋ امالدارى جۇرگىزىلۋدە»، - دەپ حابارلادى اقتوبە وبلىستىق پوليتسيا دەپارتامەنتى.
تەرگەۋ بارىسى پوليتسيا بولىمشەسىنىڭ باستىعىنىڭ باقىلاۋىندا.
