اقتوبەدەگى «تاۋ» دەمالىس بازاسىنىڭ اۋماعىندا وقىس وقيعا بولدى. بۇل تۋرالى وبلىستىق پد ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
اقپارات بويىنشا، 2007 جىلى تۋعان اقتوبەلىك قاردا جۇرەتىن Lynx اۆتوكولىگىن جۇرگىزىپ كەلە جاتىپ، جابدىقتالعان قار سىرعىماسىنىڭ جانىندا تۇرعان ءبىر توپ ادامدى قاعىپ كەتتى. وقيعا سالدارىنان 40 جاستاعى ادام كوز جۇمدى.
كولىك قاققانداردىڭ كىشكەنتايى ءبىر جارىم جاستا. ول اۋرۋحانادا ەم الىپ جاتىر. سونىمەن بىرگە 5, 16, 17 جاستاعى جاپا شەگۋشىلەر دارىگەرلەردىڭ باقىلاۋىنا الىندى. دارىگەرلەر بالالار اۋرۋحاناسىنا تۇسكەن ناۋقاستاردىڭ جاعدايى تۋرالى حابارلادى.
«16 جاستاعى قىز جابىق مي جاراقاتىن الدى. وڭ جاق جامباسى زاقىمدانعان. وڭ جاق وكپەسىنەن قاتتى سوققى العان. قازىرگى كەزدە جاعدايى اۋىر. ناۋقاس ەسىن بىلەدى. اۋىرسىنۋدى باساتىن ءدارىنى قوسىمشا قابىلداپ جاتىر. تاعى ءبىر 16 جاستاعى قىزدىڭ ميى شايقالدى. مي جاراقاتىن الدى. ەسىن بىلەدى، جاعدايى ورتاشا اۋىر. ال 1,5 جاسار ۇل بالانىڭ جاعدايى ورتاشا اۋىر. ونىڭ دا ميى شايقالعان. تىنىس الۋى قالىپتى. 5 جاسار ەر بالانىڭ باسى جارالانعان. جاعدايى ورتاشا اۋىر. ال 17 جاستاعى بوزبالا قابىلداۋ بولىمىندە ەم الدى. ونىڭ جاعدايى تۇراقتى»،- دەپ حابارلادى وبلىستىق دەنساۋلىق ساقتاۋ باسقارماسىنىڭ باسشىسى رۇستەم يساەۆ.
ال اۋرۋحاناعا جەتكىزىلگەن 49 جاستاعى ەر ادام تۋرالى مالىمەت ازىرگە جوق.
