استانادا قوعامدىق ورىنداردى لاستاعان ەكى قىز اكىمشىلىك جاۋاپكەرشىلىككە تارتىلدى، دەپ حابارلايدى "ادىرنا" ۇلتتىق پورتالى.
بۇل تۋرالى ەلوردا پوليتسيا دەپارتامەنتى مالىمدەدى.
پوليتسيانىڭ دەرەگىنشە، وقيعالاردىڭ ءبىرى بايتەرەك مونۋمەنتى ماڭىندا بولعان. قالا تۇرعىنى ىشىمدىك قۇيىلعان بوتەلكەنى اشىپ، ونىڭ ىشىندەگىسىن جان-جاققا شاشىپ، اۋماقتى لاستاعان. تاعى ءبىر جاعدايدا قىز ورىندىقتا وتىرىپ، سۋسىندى ادەيى توگىپ، قوعامدىق ورىندى بۇلدىرگەن.
بەلگىلى بولعانداي، قۇقىق بۇزۋشىلار بۇل ارەكەتتەردى الەۋمەتتىك جەلىگە ارنالعان اسەرلى كونتەنت ءتۇسىرۋ ماقساتىندا جاساعان.
پوليتسيا مۇنداي ارەكەتتەردىڭ زاڭعا قايشى ەكەنىن ەسكەرتىپ، قوعامدىق ورىنداردى لاستاۋ تەك قۇقىق بۇزۋشىلىق ەمەس، سونىمەن قاتار قالا تۇرعىندارى مەن كوممۋنالدىق قىزمەتكەرلەردىڭ ەڭبەگىنە دەگەن قۇرمەتسىزدىك ەكەنىن اتاپ ءوتتى.
