الماتى قالاسىنىڭ بوستاندىق اۋدانىندا ەلەكتروموبيلدەن اقاۋ شىعىپ، ورتەنۋگە شاق قالدى، دەپ حابارلايدى "ادىرنا" ۇلتتىق پورتالى.
ءورت بەلگىلەرى شىققان وقيعا ورنىنا ءورت ءسوندىرۋ قىزمەتىنىڭ بىرنەشە توبى جەتكەن. العاشقى تەكسەرىس ناتيجەسىندە Zeekr ماركالى ەلەكتروكاردىڭ اككۋمۋلياتور بولىگىندە ءتۇتىن پايدا بولعانى انىقتالدى.
قۇتقارۋشىلار اككۋمۋلياتور وتسەگىن سالقىنداتۋ جانە ءورتتىڭ الدىن الۋ شارالارىن جەدەل جۇرگىزدى.
زارداپ شەككەندەر جوق.
قالالىق توتەنشە جاعدايلار دەپارتامەنتى حابارلاعانداي، ءورتتىڭ شىعۋ سەبەبى انىقتالۋدا.
مامانداردىڭ ايتۋىنشا، ەلەكتروكاردىڭ اككۋمۋلياتورلىق جۇيەسىنىڭ ەرەكشەلىكتەرىنە بايلانىستى، كولىكتى تولىق سالقىنداپ، تەمپەراتۋرا تۇراقتانعانشا ورنىنان جىلجىتۋعا بولمايدى.
ۇقساس جاڭالىقتار
