اقتوبە وبلىسى قاندىاعاش قالاسىنىڭ اكىمى قازبەك اققايىر ايەلدى ۇرىپ-سوققانى ءۇشىن كىنالى دەپ تانىلىپ، 314 560 تەڭگە ايىپپۇل تولەۋگە مىندەتتەلدى، دەپ حابارلايدى "ادىرنا" ۇلتتىق پورتالى Orda.kz-كە سىلتەمە جاساپ.
سوت تەرگەۋى بارىسىندا اكىم ءوزىنىڭ ۇيلەنگەنىن جانە قىزمەتتەگى كابينەتىندە باسقا ايەلمەن قارىم-قاتىناس بولعانىن مويىنداعان. دەگەنمەن، ول ايەلدى ۇرعانىن جوققا شىعارعان.
وقيعا جاڭا جىل قارساڭىندا بولعان. كيكىلجىڭ كەزىندە اكىم ايەلدى موينىنان ۇستاپ، بىرنەشە رەت ۇرعان. كەيىن ءىس سوتقا جەتتى.
سوت وتىرىسىندا قازبەك اققايىر ءوز ارەكەتىنە وكىنىش ءبىلدىرىپ، ءتىپتى مەملەكەت باسشىسى قاسىم-جومارت توقاەۆتىڭ ايەلدەرگە قاتىستى ايتقان ءسوزىن مىسالعا كەلتىرگەن.
«پرەزيدەنت ايتقانداي، كەيبىر ايەلدەر ايقايلاپ، قوعامدىق ءتارتىپتى بۇزادى. بىزدە دە سونداي ايەلدەر بار»، – دەگەن ول.
سوت شەشىمى بويىنشا، اكىم 314 560 تەڭگە ايىپپۇل تولەيدى. سونىمەن قاتار، ول بۇرىنعى سۇيىكتىسىنە مورالدىق زيان ءۇشىن 100 000 تەڭگە جانە ادۆوكات شىعىنى رەتىندە تاعى 100 000 تەڭگە وتەماقى تولەۋگە مىندەتتەلدى.
