تۇركى مەملەكەتتەرى ۇيىمىنا مۇشە ەلدەر 2026 جىلى بىرلەسىپ جەر سەرىگىن جاساماق. بۇل تۋرالى ۇيىم باسشىلارىنىڭ XII ءسامميتىنىڭ قورىتىندىسى بويىنشا قابىلدانعان گابالا دەكلاراتسياسىندا ايتىلعان، دەپ حابارلايدى «ادىرنا» ءتىلشىسى.
قۇجاتتا تمۇ تۋى استىندا 2026 جىلى شىعارىلۋى جوسپارلانعان 12U TDT-SAT Küp جەر سەرىگىنىڭ ءوندىرىسى مەن ۇشىرىلۋىن جەدەلدەتۋ مىندەتى قويىلعانى كورسەتىلگەن. بۇل جوبا ۇيىمعا مۇشە مەملەكەتتەردىڭ بىرلەسكەن تاجىريبەسى مەن تەحنولوگيالىق مۇمكىندىكتەرى ارقاسىندا قول جەتكىزىلگەن ماڭىزدى جەتىستىك رەتىندە باعالانباق.
تۇركى مەملەكەتتەرى ۇيىمىنىڭ قۇرامىنا قازاقستان، ازەربايجان، قىرعىزستان، تۇركيا جانە وزبەكستان كىرەدى. ۇيىمداعى جالعىز ەۋروپالىق باقىلاۋشى مەملەكەت – ۆەنگريا.
گابالاداعى سامميتتە ازەربايجان پرەزيدەنتى يلحام اليەۆ تۇركى ەلدەرىن ءبىرتۇتاس كۇش ورتالىعى رەتىندە بىرىگۋگە شاقىردى.
ايتا كەتەيىك، تۇركى مەملەكەتتەرى ۇيىمى مەملەكەت باسشىلارى كەڭەسىنىڭ XIII ءسامميتى تۇركيادا, ال بەيرەسمي ءسامميتى 2026 جىلى قازاقستاندا وتەدى.
