Türkı memleketterı ūiymyna müşe elder 2026 jyly bırlesıp jer serıgın jasamaq. Būl turaly ūiym basşylarynyŋ XII sammitınıŋ qorytyndysy boiynşa qabyldanǧan Gabala deklarasiiasynda aitylǧan, dep habarlaidy «Adyrna» tılşısı.
Qūjatta TMŪ tuy astynda 2026 jyly şyǧaryluy josparlanǧan 12U TDT-SAT Küp jer serıgınıŋ öndırısı men ūşyryluyn jedeldetu mındetı qoiylǧany körsetılgen. Būl joba ūiymǧa müşe memleketterdıŋ bırlesken täjıribesı men tehnologiialyq mümkındıkterı arqasynda qol jetkızılgen maŋyzdy jetıstık retınde baǧalanbaq.
Türkı memleketterı ūiymynyŋ qūramyna Qazaqstan, Äzerbaijan, Qyrǧyzstan, Türkiia jäne Özbekstan kıredı. Ūiymdaǧy jalǧyz europalyq baqylauşy memleket – Vengriia.
Gabaladaǧy sammitte Äzerbaijan prezidentı İlham Äliev türkı elderın bırtūtas küş ortalyǧy retınde bırıguge şaqyrdy.
Aita keteiık, Türkı memleketterı ūiymy memleket basşylary keŋesınıŋ XIII sammitı Türkiiada, al beiresmi sammitı 2026 jyly Qazaqstanda ötedı.
