ءۇرجار اۋدانىندا كولىك قاققان قىز اۋرۋحانادا كوز جۇمدى، دەپ حابارلايدى “ادىرنا” ۇلتتىق پورتالى Orda.kz-كە سىلتەپ.
19 تامىز كۇنى بەستەرەك اۋىلىندا
55 جاستاعى Toyota Camry جۇرگىزۋشىسى ءۇيدىڭ قاقپاسىنىڭ جانىندا، جولدان 10 مەتر جەردە تۇرعان بالالاردى قاعىپ كەتكەن ەدى.
وقيعا سالدارىنان ەكى بالا وقيعا ورنىندا كوز جۇمدى، تاعى ءبىر بالا اۋرۋحاناعا جەتپەي جولدا قايتىس بولدى. تاعى ءۇش بالا ءتۇرلى دەنە جاراقاتىن العان.
اپاتتان امان قالعان توعىز جاستاعى اعاسى مەن قارىنداسى ەلورداداعى №2 كوپبەيىندى بالالار اۋرۋحاناسىنا جەتكىزىلدى. ال ءۇشىنشى زارداپ شەككەن قىز ءۇرجار اۋداندىق اۋرۋحاناسىندا ەم قابىلدادى. 23 تامىزدا ونىڭ جاعدايى ۇشۋعا جارامدى دەپ تانىلىپ، سانيتاريالىق اۆياتسيا ارقىلى سەمەي مەديتسينا ۋنيۆەرسيتەتىنىڭ گوسپيتالىنە جەتكىزىلگەن ەدى.
الايدا قىز ءبىر ايدان استام ۋاقىت جانساقتاۋ بولىمىندە ەس-ءتۇسسىز جاتىپ، كەيىن ەسىن جيماي قايتىس بولدى.
قالعان ەكى بالا امان قالدى. ولار استانادا ۇزاق ەم العاننان كەيىن تۋعان اۋىلىنا ورالىپ، قالپىنا كەلۋ ءۇشىن ەم-دوم قابىلداپ جاتىر.
وقيعا بويىنشا سوتقا دەيىنگى تەرگەۋ جۇرگىزىلۋدە. Toyota Camry جۇرگىزۋشىسى قاماۋعا الىنعان. ساراپتاما قورىتىندىسىنا سايكەس، ول اپات كەزىندە ماس بولماعان.
