بۇگىن تۇركىستان قالاسىنىڭ اكىمى ازىمبەك پازىلبەكۇلى قالا اۋماعىنداعى بىرقاتار قۇرىلىس جانە اباتتاندىرۋ جۇمىستارىنىڭ بارىسىمەن تانىستى. ارالاۋ بارىسىندا قالا باسشىسى اتقارىلىپ جاتقان جۇمىستاردىڭ ساپاسى مەن بەلگىلەنگەن مەرزىمدە اياقتالۋىنا ەرەكشە نازار اۋداردى.
الدىمەن قالا اكىمى تاۋكە حان جانە تىنىشتىقۇلوۆ كوشەلەرىندە شاعىن ارحيتەكتۋرالىق فورمالاردى ورناتۋ جۇمىستارىنىڭ بارىسىن تەكسەردى. جوبالاردىڭ ورىندالۋى مەن قالالىق ينفراقۇرىلىمعا سايكەستىگى بويىنشا جاۋاپتى ماماندارعا ناقتى تاپسىرمالار بەرىلدى.
ارالاۋ بارىسىندا ازىمبەك پازىلبەكۇلى قابانباي باتىر ەسكەرتكىشى ماڭىنداعى اباتتاندىرۋ جۇمىستارىنىڭ جاعدايىمەن تانىستى.
سونداي-اق، قالاداعى جاڭادان سالىنىپ جاتقان ەدىلباەۆ مەكتەبىنىڭ ويىن الاڭشاسى مەن نەگىزگى قۇرىلىس بارىسىن قاراپ، ءبىلىم بەرۋ نىسانىن ساپالى ءارى ۋاقىتىلى پايدالانۋعا بەرۋ قاجەتتىگىن اتاپ ءوتتى.
بۇدان بولەك، اكىم س.نيازوۆ كوشەسىندە ورنالاسقان جابىق ستاديون قۇرىلىسىنا بارىپ، نىساننىڭ ىسكە اسۋ بارىسىن باقىلاپ، نيازوۆ كوشەسىن اباتتاندىرۋعا قاتىستى جوسپاردى مەردىگەر ماماندارمەن بىرگە تالقىلادى.
جالپى، 2025 جىلى قالا اۋماعىندا 9 ويىن الاڭشاسىن جاڭارتۋ جانە 10 جاڭا نىساننىڭ قۇرىلىسىن جۇرگىزۋ جوسپارلانعان.
سونىمەن قاتار، زاماناۋي تالاپتارعا ساي ەكى ستاديوننىڭ قۇرىلىسى قارقىندى جۇرگىزىلۋدە.
نىسانداردى ارالاۋ بارىسىندا قالا اكىمى مەردىگەر ۇيىمدارعا بارلىق قۇرىلىس جانە اباتتاندىرۋ جۇمىستارىن ساپالى، ءارى بەلگىلەنگەن مەرزىمدە اياقتاۋدى تاپسىردى.
ۇقساس جاڭالىقتار
