وبلىس ورتالىعىندا الەۋمەتتىك جانە كوممەرتسيالىق نىساندار قالا ساۋلەتىنە ساي بوي كوتەرەدى. تۇركىستان وبلىسى اكىمىنىڭ ءبىرىنشى ورىنباسارى زۇلپىحار جولداسوۆتىڭ توراعالىعىمەن وتكەن شتاب وتىرىسىندا بىرقاتار جوبالار قارالىپ، عيماراتتاردىڭ ساۋلەتتىك ۇلگىلەرى ۇسىنىلدى.
جيىندا ساۋلەتشىلەر، ينۆەستورلار مەن قۇرىلىس سالاسىنىڭ ماماندارى تۇركىستاندا جانە وبلىس اۋماعىندا جۇزەگە اسىرۋدى جوسپارلاپ وتىرعان جوبالاردىڭ ساۋلەتىن تانىستىردى. اتاپ ايتقاندا، تۇركىستان قالاسىندا سالىناتىن فيلارمونيا مەن گالەرەيا عيماراتىنا ارنالعان جەر تەلىمدەرى ۇسىنىلدى. جاڭا قالا اۋماعىنان بوي كوتەرەتىن 5 قاباتتى تۇرعىن ءۇي كەشەنى مەن تاۋنحاۋس جوباسى قارالدى. ۇلتتىق، ازيالىق جانە ەۋروپالىق تاعام تۇرلەرىن ۇسىناتىن مەيرامحانا كەشەنىنىڭ جوباسى تانىستىرىلدى. سونىمەن قاتار تۇركىستان قالاسىنىڭ باس جوسپارىنا وزگەرىستەر مەن تولىقتىرۋلار ەنگىزۋ، «ديزاين كود» بويىنشا ۇسىنىستار سارالاندى. ءاربىر جوبا جەكە-جەكە قارالىپ، ۇسىنىستار ايتىلدى.
جيىن بارىسىندا تۇركىستان وبلىسىنىڭ ساۋلەت جانە قالا قۇرىلىسى باسقارماسىنىڭ باسشىسى نۇرلىجان بۋكەباەۆ تۇركىستان وبلىسىنا قاراستى اۋدان، قالالارداعى عيماراتتاردىڭ ساۋلەتتىك ۇلگىسىن تانىستىرىپ، الەۋمەتتىك نىسانداردى ءبىر ۇلگىدە سالۋدى، كوممەرتسيالىق نىسانداردى ءبىر ۇلگىدە اباتتاندىرۋدى ۇسىندى.
وبلىس اكىمىنىڭ ءبىرىنشى ورىنباسارى جوبالاردى ءجىتى زەردەلەپ شىعۋدى، ناقتى جوسپارلاردى ۇسىنۋدى تاپسىردى.
ۇقساس جاڭالىقتار
