وبلىس اكىمى ەسەت بايكەن جۇمىس ساپارىمەن ۇلىتاۋ اۋدانىنا بارىپ، جەزدى جانە قارساقباي كەنتتەرى مەن بايقوڭىر اۋىلىنداعى الەۋمەتتىك، وندىرىستىك جانە ينفراقۇرىلىمدىق نىسانداردىڭ جاي-كۇيىمەن تانىستى.
جۇمىس ساپارى بارىسىندا ءوڭىر باسشىسى ءبىلىم بەرۋ، دەنساۋلىق ساقتاۋ جانە سپورت سالاسىنداعى نىسانداردى ارالاپ، قارساقباي مەتاللۋرگيا زاۋىتى مەن گيدروتەحنيكالىق ۋچاسكەسىنىڭ جۇمىسىن كوردى. سونداي-اق اكادەميك قانىش ساتباەۆتىڭ مۋزەي-ۇيىندە بولىپ، جەرگىلىكتى تۇرعىندارمەن كەزدەستى.
وبلىس اكىمى بۇدان بولەك جەزدى–قوسكول اۆتوموبيل جولىنداعى ورتاشا جوندەۋ جۇمىستارىنىڭ بارىسىن تەكسەرىپ، بايقوڭىر اۋىلىنداعى مەكتەپ پەن فەلدشەرلىك-اكۋشەرلىك پۋنكتتىڭ جۇمىسىمەن تانىستى. سوڭعى جىلدارى اۋىلدا بالالار مەن جاستار سانىنىڭ تۇراقتى ءوسۋ ديناميكاسى بايقالادى. وسىعان بايلانىستى ءوڭىر باسشىسى اۋىل مەكتەبىن جاڭعىرتۋ قاجەتتىگىنە ەرەكشە نازار اۋداردى.
قارساقباي–بايقوڭىر اۆتوموبيل جولىنىڭ 51 شاقىرىمدىق ۋچاسكەسىنە اسفالت توسەۋ جۇمىستارى جالعاسۋدا. وتكەن جىلى باستالعان جوبانى بيىل تولىق اياقتاۋ جوسپارلانىپ وتىر.
جۇمىس ساپارى «بۇلانتى شايقاسى» تاريحي كەشەنىنە بارۋمەن قورىتىندىلاندى.
ارالاۋ قورىتىندىسى بويىنشا وبلىس اكىمى جاۋاپتى باسقارمالار مەن اۋدان اكىمدىگىنە انىقتالعان ماسەلەلەردى كەزەڭ-كەزەڭىمەن شەشىپ، نىسانداردىڭ ساپالى جۇمىس ىستەۋىن قامتاماسىز ەتۋدى تاپسىردى.
