Qala köşelerı jaŋartylyp, kommunaldyq jüieler tartylyp jatyr. Biyldyŋ özınde 159 köşege jöndeu jūmystary josparlanyp, bügınde onyŋ 79-ynda qūrylys tolyǧymen aiaqtalyp, paidalanuǧa berıldı.
Türkıstan oblysynyŋ äkımı Nūralhan Köşerov qala aumaǧyndaǧy bırqatar maŋyzdy nysandardy aralap, qūrylys jūmystarynyŋ barysymen tanysty. Aimaq basşysy Otyrar möltek audanyndaǧy joldardy ortaşa jöndeu jūmystaryna nazar audaryp, nysandardyŋ sapasyn közben körıp baǧalady.
Sondai-aq äkım Oisyl qara jäne Şaian köşelerımen jaiau jürıp ötıp, qūrylys sapasyn tekserdı. Jergılıktı tūrǧyndarmen tıldesıp, olardyŋ pıkırlerın tyŋdady. Nūralhan Köşerov merdıger kompaniialarǧa naqty tapsyrmalar berıp, atqarylyp jatqan jūmystardyŋ sapasyna erekşe män berudı, joldardyŋ tūrǧyndar üşın yŋǧaily ärı qauıpsız boluyn basty talap retınde atap öttı.
– Eŋ bastysy – sapa. Tūrǧyndardyŋ jailylyǧy men qauıpsızdıgı ärqaşan bırınşı orynda. Sondyqtan ärbır jūmys uaqtyly ärı sapaly oryndaluy tiıs, – dedı oblys äkımı.
Türkıstan qalasynyŋ künnen-künge jaŋaryp, infraqūrylymdyq damu körsetkışterınıŋ artyp kele jatqany – jergılıktı bilık pen halyq arasyndaǧy senımdı serıktestıktıŋ nätijesı. Aldaǧy uaqytta da būl baǧyttaǧy jūmystar jalǧasyn tappaq.
Ūqsas jaŋalyqtar
