قىرعىزستاننىڭ قاراكول قالاسىندا 7-سىنىپ وقۋشىسى سىنىپتاسىن اياۋسىز سوققىعا جىققان. وقيعانىڭ بەينەجازباسى الەۋمەتتىك جەلىدە تارادى، دەپ حابارلايدى «ادىرنا» ءتىلشىسى.
وقۋ-اعارتۋ مينيسترلىگىنىڭ مالىمەتىنشە، وقىس وقيعا №2 مەكتەپتە بولعان.
«قاراكول قالالىق ءبىلىم ءبولىمى جانىنان قۇرىلعان كوميسسيا اتالعان وقۋشىلار اراسىنداعى تۇسىنبەستىككە بايلانىستى تەكسەرىس جۇرگىزىپ جاتىر. قازىرگى ۋاقىتتا وقۋشىلارمەن ىستىقكول مەملەكەتتىك ۋنيۆەرسيتەتىنىڭ پسيحولوگتارى جۇمىس ىستەۋدە»،–دەلىنگەن حابارلامادا.
سونىمەن قاتار مەكتەپ ديرەكتورى، سىنىپتان تىس جۇمىستاردىڭ ۇيىمداستىرۋشىسى جانە الەۋمەتتىك پەداگوگكە قاتاڭ سوگىس جاريالانعان.
ۇقساس جاڭالىقتار
