قازاقستان ۇكىمەتى 2028 جىلدىڭ 31 جەلتوقسانىنا دەيىن بىرقاتار باعىتتار بويىنشا بيۋدجەت قاراجاتىن بولۋگە موراتوري ەنگىزدى، دەپ حابارلايدى "ادىرنا" ۇلتتىق پورتالى.
ءتيىستى قاۋلى كۇشىنە ەندى
قۇجاتقا سايكەس، اتالعان مەرزىمگە دەيىن رەسپۋبليكالىق جانە جەرگىلىكتى بيۋدجەتتەردەن الەۋمەتتىك سالاداعى جاڭا باستامالارعا، بيۋدجەتتەن تىس قورلار قۇرۋعا، مەملەكەتتىك ورگانداردىڭ جاڭا اكىمشىلىك عيماراتتارى مەن كەشەندەرىن سالۋعا جانە ساتىپ الۋعا قارجى قاراستىرىلمايدى. ەرەكشەلىك 2022 جىلدان بەرى قۇرىلعان اكىمشىلىك-اۋماقتىق بىرلىكتەردەگى نىساندارعا قاتىستى.
سونداي-اق مادەنيەت ۇيىمدارىنىڭ جاڭا نىساندارىن سالۋ جانە مەملەكەتتىك ساتىپ الۋ ناتيجەسىندە ۇنەمدەلگەن قاراجاتتى بيۋدجەتتىك باعدارلامالاردىڭ اكىمشىلەرى مەن كۆازيمەملەكەتتىك سەكتور سۋبەكتىلەرىنىڭ ءوز بەتىنشە پايدالانۋىنا شەكتەۋ قويىلدى.
سونىمەن قاتار، موراتوري تالاپتارى بيۋدجەت جانە مەملەكەتتىك جوسپارلاۋ، وڭىرلىك جانە بيۋدجەتتىك ساياسات بويىنشا ورتالىق ۋاكىلەتتى ورگاندارمەن الدىن الا كەلىسىلگەن جوبالارعا قولدانىلمايدى.
ۇنەمدەلگەن قارجى ەلدىڭ ەكونوميكالىق ءوسىمىن قامتاماسىز ەتەتىن باسىم جوبالارعا باعىتتالماق.
