1929 جىلى 27-30 قىركۇيەك كۇندەرى استىق دايىنداۋ ناۋقانى كەزىندە سىرداريا وكرۋگىنىڭ بوستاندىق اۋدانىنىڭ (قازىر وزبەكستانعا قارايدى) تۇرعىندارى سوۆەت وكىمەتىنىڭ ۇستەمەلەتە سالعان سالىعى مەن زومبىلىق ارەكەتتەرىنە قارسى شىقتى.
كوتەرىلىستى ۇيىمداستىرۋشىلار ت. مۇساباەۆ، ۋ. مايلىباەۆ بولدى. وعان 500-گە تارتا ادام قاتىسقان.
بەرىشموللا قىستاۋىنىڭ قاسىنداعى ۇرىستا ولارعا ي. شانىبەكوۆتىڭ باسماشىلار جاساعى كومەككە كەلدى.
كوتەرىلىستى مەملەكەتتىك ساياسي باسقارمانىڭ جاساقتارى كۇشپەن باستى. كوتەرىلىسشىلەردەن 50 ادام قازاعا ۇشىراپ، 2 ادام اتۋ جازاسىنا كەسىلگەن
36-سى – 10 جىلعا سوتتالسا، جەتەۋى – 5 جىلعا جەر اۋدارىلعان.
1929-1930 جىلدارى استىق ءوندىرۋ جوسپارىنىڭ ورىندالماۋىنا بايلانىستى قاراپايىم شارۋالارعا قاتاڭ جازا قولدانىلدى. ولارعا قويىلاتىن تالاپتار كۇشەيتىلدى. جالتارىپ جاتقان جاعدايدا ولاردى «كونتررەۆوليۋتسيالىق قىلمىس» دەپ تانىپ، ركفسر قك 58-بابى بويىنشا اتۋ جازاسىنا كەسكەن.
