1929 jyly 27-30 qyrküiek künderı astyq daiyndau nauqany kezınde Syrdariia okrugınıŋ Bostandyq audanynyŋ (qazır Özbekstanǧa qaraidy) tūrǧyndary Sovet ökımetınıŋ üstemelete salǧan salyǧy men zombylyq äreketterıne qarsy şyqty.
Köterılıstı ūiymdastyruşylar T. Mūsabaev, U. Mailybaev boldy. Oǧan 500-ge tarta adam qatysqan.
Berışmolla qystauynyŋ qasyndaǧy ūrysta olarǧa İ. Şanybekovtıŋ basmaşylar jasaǧy kömekke keldı.
Köterılıstı Memlekettık saiasi basqarmanyŋ jasaqtary küşpen basty. Köterılısşılerden 50 adam qazaǧa ūşyrap, 2 adam atu jazasyna kesılgen
36-sy – 10 jylǧa sottalsa, jeteuı – 5 jylǧa jer audarylǧan.
1929-1930 jyldary astyq öndıru josparynyŋ oryndalmauyna bailanysty qarapaiym şarualarǧa qataŋ jaza qoldanyldy. Olarǧa qoiylatyn talaptar küşeitıldı. Jaltaryp jatqan jaǧdaida olardy «kontrrevoliusiialyq qylmys» dep tanyp, RKFSR QK 58-baby boiynşa atu jazasyna kesken.
