قازاقستاندا استا-توك توي جاساعاندار دا سالىق تولەۋى مۇمكىن. بۇل تۋرالى قارجى ۆيتسە-ءمينيسترى ەرجان ءبىرجانوۆ ءماجىلىس كۋلۋارىندا ايتتى، دەپ حابارلايدى “ادىرنا” ۇلتتىق پورتالى ينفورمبيۋرو31 -گە سىلتەپ.
مالىمەت بويىنشا، مەملەكەتتىك كىرىستەر كوميتەتى ەندى اساباعا، بانكەتكە، ءتىپتى تويباستارعا كەتكەن اقشانى ەسەپتەۋگە كىرىستى. ەگەر شىعىن تابىسقا ساي كەلمەسە، سالىقشىلار تەكسەرىس جۇرگىزۋى مۇمكىن.
كوپشىلىك توي جاساۋ ءۇشىن نەسيە الىپ، جىلدار بويى جيناعان اقشاسىن جۇمسايدى. ەندى مەملەكەتتىك كىرىستەر كوميتەتى سول شىعىنداردىڭ قايدان شىققانىن ءجىتى تەكسەرمەك.
«بۇل پروتسەسس قوعام قايراتكەرلەرىن دە، بلوگەرلەردى دە، قاراپايىم قازاقستاندىقتاردى دا اينالىپ وتپەيدى. تابىسى مەن شىعىسىندا سايكەسسىزدىك انىقتالسا ازاماتتارعا قوسىمشا تەكسەرىس جۇرگىزىلەدى. مىسالى تويدى جۇرگىزگەن اسابا جەكە كاسىپكەر رەتىندە تىركەلۋ كەرەك. تابىسىن دەكلاراتسيادا كورسەتۋ كەرەك»، دەيدى قارجى ۆيتسە-ءمينيسترى ەرجان ءبىرجانوۆ ءماجىلىس كۋلۋارىندا.
