Mońǵolııadaǵy birneshe aqparattyq basylymdar Qazaqstannyń qoǵam jáne saıası qaıratkeri Ǵalymjan Jaqııanovtyń tergelip jatqany týraly aqparat taratýda, dep habarlaıdy “Adyrna” ulttyq portaly.
Buqaralyq aqparat quraldary qazaqstandyq saıasatkerge qatysty is qozǵalyp, onyń taý-ken jumystaryna mońǵol qoǵamynyń narazylyǵy týraly habarlady.
Tsahiur.mn ınternet-portaly Ǵalymjan Jaqııanov Mońǵolııada taý-ken óndirýmen aınalysatyn ALGT taý-ken kompanııasynyń dırektory ekenin atap ótti. Bul kompanııa óndirgen shıkizatty eksporttaýy mońǵol halqynyń narazylyǵyn týǵyzyp, uıym basshysy Jaqııanov Mońǵolııa baılyǵyn jymqyrdy dep aıyptalyp otyr.
Zuuna Madee basylymy qazaqstandyq saıasatker qazir tergeýde dep habarlaıdy. Sonymen, jýrnalısterdiń aıtýynsha, Mońǵolııanyń quqyq qorǵaý organdaryna Jaqııanov qytaılyq kompanııany aldaǵany týraly aryz túsken. Qazaqstandyq úıqamaqqa alyndy, tergeý jalǵasýda.
Onyń ústine Jaqııanovqa Mońǵolııanyń memlekettik bıýdjetine salyq tólemegeni úshin aıyp taǵyldy. Oǵan qosa, basylym atap ótkendeı, saıasatker eldiń paıdaly qazbalaryn ıgerýde, bul mońǵol jurtshylyǵynyń múddesine qaıshy keledi.
Buǵan deıin, 2015 jyldan beri belgili jýrnalıst Gúljan Erǵalıeva birneshe sot otyrysynan keıin Ǵ.Jaqııanovqa qaryzǵa bergen aqshasyn qıyndyqpen qaıtaryp alǵan.
Aqsha tek sottyń tikeleı sheshimimen jáne osyǵan baılanysty jaýapkerge qoıylǵan shekteýlermen qaıtaryldy.
”Adyrna” ulttyq portaly
