قىرعىزستاندا قامشىبەك تاشيەۆ ۇلتتىق قاۋىپسىزدىك مەملەكەتتىك كوميتەتىنىڭ توراعاسى، پرەمەر-ءمينيستردىڭ ورىنباسارى قىزمەتىنەن بوساتىلدى، دەپ حابارلايدى "ادىرنا" ۇلتتىق پورتالى.
قىرعىزستان پرەزيدەنتى سادىر جاپاروۆ سايكەس جارلىققا قول قويدى. قامشىبەك تاشيەۆ ۇقمك باسشىسى رەتىندە 16 قازان 2020 جىلدان بەرى قىزمەت اتقارعان. ول 5–6 قازان 2020 جىلعى وقيعالاردان كەيىن سادىر جاپاروۆتىڭ قولداۋىمەن تاعايىندالعان ەدى.
قىرعىز باق-تارىنىڭ جازۋىنشا، تاشيەۆ پەن جاپاروۆ اراسىنداعى ساياسي وداق ۇزاق ۋاقىتقا سوزىلعان جانە قىرعىزستانداعى ەڭ سەنىمدى ساياسي تاندەمدەردىڭ ءبىرى بولىپ ەسەپتەلگەن. تاشيەۆ كۇش قۇرىلىمدارىن باقىلاپ، رەزونانستى ءىس-شارالاردى باسقارعان، سونىمەن قاتار پرەزيدەنتتىڭ ەڭ سەنىمدى وكىلى سانالعان.
ۇقمك ۋاقىتشا توراعاسى قىزمەتىنە جۇمعالبەك شابدانبەكوۆ تاعايىندالدى. ول 2020 جىلدان بەرى كوميتەتتەگى 9-قىزمەتتىڭ باستىعى جانە ورىنباسارى بولىپ قىزمەت اتقارعان.
