ۋكراينا بەيبىت رەتتەۋ بويىنشا كەلىسسوزدەر پروتسەسىنە مىندەتتى تۇردە قاتىسادى. كەلىسسوزدەر ەكى فورماتتا وتەدى: بىرىندە اقش پەن رەسەيدىڭ كيەۆسىز ەكىجاقتى ارناسى بولادى. بۇل تۋرالى كرەملدىڭ رەسمي وكىلى دميتري پەسكوۆ مالىمدەدى، دەپ حابارلايدى "ادىرنا" ۇلتتىق پورتالى.
كەلىسسوزدەر فورماتى پەسكوۆتىڭ ايتۋىنشا، ۋكراينا كەلىسسوزدەرگە قاتىسپاي قالا المايدى. سونىمەن قاتار، ماسكەۋ مەن ۆاشينگتوننىڭ تىكەلەي بايلانىس ارناسى ساقتالادى، وعان قوسا ۋكراينا مەن ەۋروپالىق وداق وكىلدەرى قاتىساتىن بولەك ارنا جۇمىس ىستەيدى.
رەسەي مەن اقش اراسىنداعى بايلانىستار كەڭەيەدى رەسەي پرەزيدەنتىنىڭ ءباسپاسوز حاتشىسى دميتري پەسكوۆ ماسكەۋ مەن ۆاشينگتون اراسىنداعى جۇمىس بايلانىستارى الداعى كۇندەر مەن اپتالاردا كەڭەيەتىنىن مالىمدەدى.
ونىڭ ايتۋىنشا، تەلەفون ارقىلى سويلەسۋ كەزىندە ۆلاديمير پۋتين مەن دونالد ترامپ ءبىر-ءبىرىن ەلدەرىنە ساپارمەن كەلۋگە شاقىرعان.
«ولار بۇل شاقىرۋلاردى قاشان پايدالانادى – وقيعالاردىڭ دامۋى كورسەتەدى»، – دەدى پەسكوۆ. سونىمەن قاتار، ماسكەۋ اقش پرەزيدەنتىن 9 مامىردا وتەتىن جەڭىس پارادىنا شاقىرۋعا دايىن ەكەنىن جەتكىزدى.
اقش پرەزيدەنتى دونالد ترامپ پەن رەسەي پرەزيدەنتى ۆلاديمير ءپۋتيننىڭ تەلەفون ارقىلى كەلىسسوزدەرىنەن كەيىن، Financial Times ساراپشىلارىنىڭ بولجامىنشا، ۋكراينادا اتىستى توقتاتۋ پاسحاعا نەمەسە جەڭىس كۇنىنە دەيىن ەنگىزىلۋى مۇمكىن.
