مەملەكەت باسشىسى قاسىم-جومارت كەمەلۇلى توقاەۆ «جاساندى ينتەللەكت داۋىرىندەگى قازاقستان: وزەكتى ماسەلەلەر جانە ونى تۇبەگەيلى تسيفرلىق وزگەرىستەر ارقىلى شەشۋ» اتتى قازاقستان حالقىنا جولداۋىندا: «جەرگىلىكتى اتقارۋشى ورگاندار ءاردايىم تۋريزم ينفراقۇرىلىمىن جان-جاقتى دامىتۋعا باسا ءمان بەرىپ، وسى جۇمىسقا جاۋاپتى بولادى»، - دەي كەلە، «قازىرگى ۋاقىتتا ەڭ وزەكتى ماسەلە - زاماناۋي ينفراقۇرىلىم سالۋ. ەگەر وسى مىندەتتەردى ويداعىداي ورىنداساق، ەلىمىزدىڭ كۋرورتتارى جەر جۇزىنە تانىلىپ، قازاقستاننىڭ بەتكە ۇستار ۇلتتىق برەندى بولماق»، - دەپ ەرەكشە اتاپ وتكەن بولاتىن.
بۇگىندە كازتالوۆ اۋدانىندا تۋريزم سالاسى دامىپ كەلەدى. سونىڭ ايقىن كورىنىسى – «اق كول» قوناق ءۇيىنىڭ بوي كوتەرۋى. قوناق ءۇيدىڭ اشىلۋ سالتاناتىنا باتىس قازاقستان وبلىسى اكىمىنىڭ ورىنباسارى تلەپبەرگەن قايۋپوۆ، اۋدان اكىمى اسلانبەك سارقۇلوۆ، وبلىستىق ءماسليحات دەپۋتاتى سامات حاسانوۆ، بقو كاسىپكەرلىك جانە يندۋستريالدىق-يننوۆاتسيالىق دامۋ باسقارماسىنىڭ باسشىسى نۇرجان وتەپباەۆ، AQJAIYQ الەۋمەتتىك-كاسىپكەرلىك كورپوراتسيا توراعاسى ەرجان دوسماكوۆ، «دامۋ» كاسىپكەرلىكتى دامىتۋ قورى» اق بقو بويىنشا ايماقتىق فيليالى باسشىسى تاراس شالگا، «KAZAKH INVEST» ۇك اق وڭىرلىك ديرەكتورى التىنبەك تاستەمىروۆ، «سمم بيزنەستەح» جشس ديرەكتورى جانارگۇل دۇيسەنوۆا، اۋداندىق ءماسليحات دەپۋتاتتارى، ءبولىم جانە مەكەمە باسشىلارى، وكرۋگ اكىمدەرى، اۋىل تۇرعىندارى مەن بۇقارالىق اقپارات قۇرالدارىنىڭ وكىلدەرى قاتىستى.
وبلىس اكىمىنىڭ ورىنباسارى تلەپبەرگەن ەرسايۇلى اۋدان جۇرتشىلىعىن جاڭا قوناق ءۇيدىڭ اشىلۋىمەن قۇتتىقتاپ، جىلى لەبىزىن ءبىلدىردى.
— بۇگىن ءبىز ءوڭىرىمىزدىڭ الەۋمەتتىك-ەكونوميكالىق دامۋى ءۇشىن ۇلكەن ماڭىزعا يە نىسان – «اقكول» قوناق ءۇيىنىڭ اشىلۋ سالتاناتىنا كۋا بولىپ وتىرمىز. بۇل – جاي عانا جاڭا قوناق ءۇي ەمەس، بۇل – ءوڭىرىمىزدىڭ تۋريزم الەۋەتىن ارتتىرۋعا، جەرگىلىكتى حالىقتىڭ تۇرمىس ساپاسىن جاقسارتۋعا باعىتتالعان ماڭىزدى قادام. بۇل يگى باستاما – ەل پرەزيدەنتى ايقىنداپ بەرگەن ستراتەگيالىق باعىتتىڭ ناقتى جۇزەگە اسۋىنىڭ جارقىن ۇلگىسى. اقكول – تابيعاتى ەرەكشە، سۇلۋ دا كوركەم ولكە. مۇندا بالىق شارۋاشىلىعىن دامىتىپ جۇرگەن ازاماتتارىمىزدىڭ ەڭبەگى – اۋىل ەكونوميكاسىنا تىڭ سەرپىن بەرىپ وتىر. ال ەندى ءتۋريزمدى وركەندەتۋ جولىندا بوي كوتەرگەن جاڭا قوناق ءۇي – تۋريستەردىڭ كەلۋىنە، قوناقجايلىلىق مادەنيەتىن كوتەرۋگە، سونداي-اق جەرگىلىكتى تۇرعىنداردىڭ جۇمىسپەن قامتىلۋىنا ۇلكەن مۇمكىندىك بەرمەك، — دەدى ول.
جەكە كاسىپكەر سۇلتان سارتاەۆ «S-GROUPP» كومپانياسىنىڭ ءتۋريزمدى دامىتۋعا باعىتتالعان جاڭا جوباسى – «اق كول» قوناق ءۇي كەشەنىنىڭ اۋدان ءتۋريزمىن دامىتۋعا قوسار ۇلەسىنە توقتالدى.
— بۇل جوبا – ءبىزدىڭ ءوڭىردىڭ تۋريستىك تارتىمدىلىعىن ارتتىرۋعا، جاڭا جۇمىس ورىندارىن اشۋعا جانە جەرگىلىكتى حالىقتىڭ ءال-اۋقاتىن كوتەرۋگە باعىتتالعان باستاما. بۇل جوبانىڭ جالپى قۇنى – 410 ميلليون تەڭگە قۇرايدى، ونىڭ ىشىندە 60 ميلليون تەڭگەسى قازىرگى تاندا قوناق ۇيگە جۇمسالدى. قازىرگى ۋاقىتتا «اقكول» قوناق ءۇيى كەشەنى 10 ادامدى تۇراقتى جۇمىسپەن قامتىپ وتىر، — دەدى كاسىپكەر.
«اق كول» قوناق ءۇي كەشەنى تابيعات اياسىندا ورنالاسقان جانە زاماناۋي تالاپتارعا ساي قىزمەت كورسەتەدى. قوناق ۇيدە بارلىعى 4 نومەر بار. سونىڭ ىشىندە 2 ادامعا ارنالعان جاتىن بولمەسى، 6 ادامدعا ارنالعان زامانۋي 3 نومەر بار. بۇل نومەرلار جالپى 20 ادامدى تولىق قامتيدى. قوناق ۇيدە سوعان قوسا ىشكى ينفاقۇرىلىمىندا بانكەت زالى، اس بولمەسى، زاماناۋي كاراوكە جانە سىرتقى اۋماعىندا جازعى دەمالىس ورنى مەن تىنىعۋ ايماعى ۇيىمداستىرىلعان.
ساكرىل جاعاسىنداعى شاعىن قوناق ءۇيدىڭ اشىلۋ سالتاناتىنا ارنالعان لەنتاسىن باتىس قازاقستان وبلىسى اكىمىنىڭ ورىنباسارى تلەپبەرگەن قايۋپوۆ، جەكە كاسىپكەر الىبەك سارتاەۆ قيدى.
