Memleket basşysy Qasym-Jomart Kemelūly Toqaev «Jasandy intellekt däuırındegı Qazaqstan: özektı mäseleler jäne ony tübegeilı sifrlyq özgerıster arqyly şeşu» atty Qazaqstan halqyna Joldauynda: «Jergılıktı atqaruşy organdar ärdaiym turizm infraqūrylymyn jan-jaqty damytuǧa basa män berıp, osy jūmysqa jauapty bolady», - dei kele, «Qazırgı uaqytta eŋ özektı mäsele - zamanaui infraqūrylym salu. Eger osy mındetterdı oidaǧydai oryndasaq, elımızdıŋ kurorttary jer jüzıne tanylyp, Qazaqstannyŋ betke ūstar ūlttyq brendı bolmaq», - dep erekşe atap ötken bolatyn.
Bügınde Kaztalov audanynda turizm salasy damyp keledı. Sonyŋ aiqyn körınısı – «Aq köl» qonaq üiınıŋ boi köteruı. Qonaq üidıŋ aşylu saltanatyna Batys Qazaqstan oblysy äkımınıŋ orynbasary Tlepbergen Qaiupov, audan äkımı Aslanbek Sarqūlov, oblystyq mäslihat deputaty Samat Hasanov, BQO käsıpkerlık jäne industrialdyq-innovasiialyq damu basqarmasynyŋ basşysy Nūrjan Ötepbaev, AQJAIYQ äleumettık-käsıpkerlık korporasiia töraǧasy Erjan Dosmakov, «Damu» käsıpkerlıktı damytu qory» AQ BQO boiynşa aimaqtyq filialy basşysy Taras Şalga, «KAZAKH INVEST» ŪK AQ öŋırlık direktory Altynbek Tastemırov, «SMM Biznesteh» JŞS direktory Janargül Düisenova, audandyq mäslihat deputattary, bölım jäne mekeme basşylary, okrug äkımderı, auyl tūrǧyndary men būqaralyq aqparat qūraldarynyŋ ökılderı qatysty.
Oblys äkımınıŋ orynbasary Tlepbergen Ersaiūly audan jūrtşylyǧyn jaŋa qonaq üidıŋ aşyluymen qūttyqtap, jyly lebızın bıldırdı.
— Bügın bız öŋırımızdıŋ äleumettık-ekonomikalyq damuy üşın ülken maŋyzǧa ie nysan – «Aqköl» qonaq üiınıŋ aşylu saltanatyna kuä bolyp otyrmyz. Būl – jai ǧana jaŋa qonaq üi emes, būl – öŋırımızdıŋ turizm äleuetın arttyruǧa, jergılıktı halyqtyŋ tūrmys sapasyn jaqsartuǧa baǧyttalǧan maŋyzdy qadam. Būl igı bastama – El Prezidentı aiqyndap bergen strategiialyq baǧyttyŋ naqty jüzege asuynyŋ jarqyn ülgısı. Aqköl – tabiǧaty erekşe, sūlu da körkem ölke. Mūnda balyq şaruaşylyǧyn damytyp jürgen azamattarymyzdyŋ eŋbegı – auyl ekonomikasyna tyŋ serpın berıp otyr. Al endı turizmdı örkendetu jolynda boi kötergen jaŋa qonaq üi – turisterdıŋ keluıne, qonaqjailylyq mädenietın köteruge, sondai-aq jergılıktı tūrǧyndardyŋ jūmyspen qamtyluyna ülken mümkındık bermek, — dedı ol.
Jeke käsıpker Sūltan Sartaev «S-GROUPP» kompaniiasynyŋ turizmdı damytuǧa baǧyttalǧan jaŋa jobasy – «Aq köl» qonaq üi keşenınıŋ audan turizmın damytuǧa qosar ülesıne toqtaldy.
— Būl joba – bızdıŋ öŋırdıŋ turistık tartymdylyǧyn arttyruǧa, jaŋa jūmys oryndaryn aşuǧa jäne jergılıktı halyqtyŋ äl-auqatyn köteruge baǧyttalǧan bastama. Būl jobanyŋ jalpy qūny – 410 million teŋge qūraidy, onyŋ ışınde 60 million teŋgesı qazırgı tanda qonaq üige jūmsaldy. Qazırgı uaqytta «Aqköl» qonaq üiı keşenı 10 adamdy tūraqty jūmyspen qamtyp otyr, — dedı käsıpker.
«Aq köl» qonaq üi keşenı tabiǧat aiasynda ornalasqan jäne zamanaui talaptarǧa sai qyzmet körsetedı. Qonaq üide barlyǧy 4 nomer bar. Sonyŋ ışınde 2 adamǧa arnalǧan jatyn bölmesı, 6 adamdǧa arnalǧan zamanui 3 nomer bar. Būl nomerlar jalpy 20 adamdy tolyq qamtidy. Qonaq üide soǧan qosa ışkı infaqūrylymynda banket zaly, as bölmesı, zamanaui karaoke jäne syrtqy aumaǧynda jazǧy demalys orny men tynyǧu aimaǧy ūiymdastyrylǧan.
Sakryl jaǧasyndaǧy şaǧyn qonaq üidıŋ aşylu saltanatyna arnalǧan lentasyn Batys Qazaqstan oblysy äkımınıŋ orynbasary Tlepbergen Qaiupov, jeke käsıpker Älıbek Sartaev qidy.
