2025 جىلدىڭ 16 قىركۇيەگىندە جەزقازعان قالاسىندا «فاندرايزينگ – ۇكىمەتتىك ەمەس ۇيىمداردىڭ تۇراقتىلىعى» تاقىرىبىندا ۇلىتاۋ وبلىسىنىڭ ازاماتتىق فورۋمى ءوتتى.
فورۋم ازاماتتىق سەكتوردىڭ الەۋەتىن ارتتىرۋعا جانە مەملەكەت، بيزنەس پەن ازاماتتىق قوعام اراسىنداعى ارىپتەستىكتى نىعايتۋعا باعىتتالعان وڭىرلىك ءىس-شارالار سەرياسىن جالعاستىرادى.
فورۋمنىڭ ماقساتى – فاندرايزينگتىڭ وزەكتى تەتىكتەرىن، سونىڭ ىشىندە ءداستۇرلى جانە تسيفرلىق قۇرالداردى تالقىلاۋ، سونداي-اق ۇەۇ-نىڭ تۇراقتى دامۋىنا ىقپال ەتەتىن يننوۆاتسيالىق تاسىلدەردى دامىتۋعا ارنالعان تاجىريبە الماسۋ الاڭىن قالىپتاستىرۋ.
باعدارلاما اياسىندا تسيفرلىق ترانسفورماتسيا، جاساندى ينتەللەكتى فاندرايزينگ سالاسىنا ەنگىزۋ، قارجى تارتۋدىڭ تۇراقتى ۇلگىلەرى، دونورلارمەن ءوزارا بايلانىس جانە ۇەۇ سەكتورىنداعى كرەاتيۆتى باستامالاردى دامىتۋ ماسەلەلەرىنە ارنالعان پانەلدىك سەسسيالار مەن باياندامالار ءوتتى.
فورۋم جۇمىسىنا قر مادەنيەت جانە اقپارات مينيسترلىگى، قازاقستاننىڭ ازاماتتىق اليانسى، قر كونستيتۋتسيالىق سوتى، «قازاقستان حالقىنا» قوعامدىق قورى، ۇەۇ، بيزنەس وكىلدەرى، قوعام قايراتكەرلەرى، دەپۋتاتتار، «اتامەكەن» ۇكپ، قازاقستان حالقى اسسامبلەياسى مەن وڭىرلىك اكىمدىكتەردىڭ وكىلدەرى قاتىستى.
اتالعان فورۋم ازاماتتىق قاتىسۋ ينستيتۋتىن نىعايتۋ جانە ۇكىمەتتىك ەمەس سەكتوردىڭ وڭىرلىك دەڭگەيدە ورنىقتى دامۋىنا جاڭا سەرپىن بەرەتىن ماڭىزدى الاڭعا اينالدى.
