ەۋروپالىق وداق نەپالدىڭ جوعارعى سوتىنىڭ بۇرىنعى ءتورايىمى سۋشيلا كاركيدىڭ ەلدىڭ ۋاقىتشا ۇكىمەتىن باسقارۋشى بولىپ تاعايىندالۋىن قۇپتادى، دەپ حابارلايدى "ادىرنا" ۇلتتىق پورتالى.
بۇل تۋرالى ەو-نىڭ سىرتقى ىستەر جانە قاۋىپسىزدىك ساياساتى جونىندەگى جوعارعى وكىلى كايا كاللاس ح الەۋمەتتىك جەلىسىندەگى پاراقشاسىندا جازدى.
«نەپال ۋاقىتشا ۇكىمەتىنىڭ جاڭا پرەمەر-ءمينيسترى بولىپ سۋشيلا كاركيدىڭ تاعايىندالۋىن قۇپتايمىن. ەلدىڭ كونە سەرىكتەسى رەتىندە ءبىز نەپال حالقىن جانە دەموكراتيانى، تۇراقتىلىق پەن تاتۋلاسۋدى قامتاماسىز ەتۋگە باعىتتالعان بارلىق ارەكەتتى قولدايمىز»، – دەدى كاللاس.
ايتا كەتەيىك، كەشە سۋشيلا كاركي ەلدىڭ ۋاقىتشا ۇكىمەتىنىڭ باسشىسى بولىپ تاعايىندالدى. 73 جاستاعى كاركي كەلەسى جىلى، 5 ناۋرىزدا وتەتىن سايلاۋعا دەيىن ۇكىمەتتى باسقاراتىن بولادى.
ەسكە سالايىق، نەپالدا الەۋمەتتىك جەلىلەر بۇعاتتالعاننان كەيىن حالىق جاپپاي كوتەرىلىسكە شىعىپ، پرەمەر-ءمينيستردىڭ رەزيدەنتسياسىن ورتەپ جىبەردى. وسى جاعدايدان كەيىن پرەمەر-مينيستر شارما ولي وتستاۆكاعا كەتكەن ەدى.
