استانادا اشارشىلىق قۇرباندارىنا ارنالعان ەسكەرتكىشتى قورلاعان ايەل جاۋاپكەرشىلىككە تارتىلدى، دەپ حابارلايدى "ادىرنا" ۇلتتىق پورتالى.
36 جاستاعى قالا تۇرعىنى ەسكەرتكىشتىڭ بەتىنە بوياۋ جاققان.
بۇل تۋرالى پوليتسياعا وقيعانى كۋاگەرلەر حابارلاعان. وقيعا 26 تامىز كۇنى ساعات 10:30 شاماسىندا بولعان.
پوليتسيا قىزمەتكەرلەرى جەدەل تۇردە وقيعا ورنىنا كەلىپ، ۇساق بۇزاقىلىق بابى بويىنشا اكىمشىلىك حاتتاما تولتىرعان.
استانا پروكۋراتۋراسىنىڭ مالىمەتىنشە، سوت ءتارتىپ بۇزۋشىنى 50 اەك (196 600 تەڭگە) كولەمىندە ايىپپۇل تولەۋگە مىندەتتەگەن.
ايتا كەتەيىك، جاقىندا استاناداعى اشارشىلىق قۇرباندارىنا ارنالعان ەسكەرتكىش تاقتاداعى «گولودومور» ءسوزى «گولود» دەپ وزگەرتىلگەنى تۋرالى جازعان ەدىك.
ۇقساس جاڭالىقتار
