Astanada Aşarşylyq qūrbandaryna arnalǧan eskertkıştı qorlaǧan äiel jauapkerşılıkke tartyldy, dep habarlaidy "Adyrna" ūlttyq portaly.
36 jastaǧy qala tūrǧyny eskertkıştıŋ betıne boiau jaqqan.
Būl turaly polisiiaǧa oqiǧany kuägerler habarlaǧan. Oqiǧa 26 tamyz künı saǧat 10:30 şamasynda bolǧan.
Polisiia qyzmetkerlerı jedel türde oqiǧa ornyna kelıp, ūsaq būzaqylyq baby boiynşa äkımşılık hattama toltyrǧan.
Astana prokuraturasynyŋ mälımetınşe, sot tärtıp būzuşyny 50 AEK (196 600 teŋge) kölemınde aiyppūl töleuge mındettegen.
Aita keteiık, jaqynda Astanadaǧy Aşarşylyq qūrbandaryna arnalǧan eskertkış taqtadaǧy «golodomor» sözı «golod» dep özgertılgenı turaly jazǧan edık.
Ūqsas jaŋalyqtar
