ەكس-پرەزيدەنت نۇرسۇلتان نازارباەۆ استانا اتاۋىنىڭ ەلورداعا قايتارىلۋىنا قارسى بولعان جوق. بۇل تۋرالى قازاقستان حالىقتىق پارتياسىنىڭ توراعاسى ەرمۇحامەت ەرتىسباەۆ مالىمدەدى، دەپ حابارلايدى “ادىرنا” ۇلتتىق پورتالى.
«مەن نۇرسۇلتان ءابىشۇلى نازارباەۆتىڭ بۇعان مۇلدەم قارسى ەمەس ەكەنىن انىق بىلەمىن. ول وقالامىزدىڭ، استانامىزدىڭ نەگىزىن قالاۋشى، ساۋلەتشىسى رەتىندە 2003 نەمەسە 2004 جىلدارى استاناعا اتاۋ بەردى. بۇل ونىڭ باستاماسى بولدى جانە ول ۇزاق ۋاقىت بويى ەلوردانىڭ اتىن وزگەرتۋگە قارسى بولدى. YouTube سايتىنان دا ونىڭ بارلىق مالىمدەمەلەرىن تابۋعا بولادى. سوندىقتان، وسى تۇرعىدان العاندا، مۇنداي شەشىم كۇتىلىپ وتىرعانىن تاعى ءبىر ايتا كەتەيىن دەپ ويلايمىن»، - دەدى ەرتىسباەۆ YouTube-تەگى Ertysbayev Live ارناسىندا.
ەسكە سالايىق، 2 قىركۇيەكتە ءماجىلىس دەپۋتاتتارى سايلاۋعا دەيىن جەتى جىلدىق پرەزيدەنتتىك بيلىكتى ەنگىزىپ، استانانىڭ اتىن قايتارۋدى ۇسىنعان بولاتىن. 13 قىركۇيەكتە مەملەكەت باسشىسىنىڭ ءباسپاسوز حاتشىسى رۋسلان جەلدىباي نۇر-سۇلتاننىڭ اتىن استانا دەپ وزگەرتۋ باستاماسىنا تۇسىنىكتەمە بەرە وتىرىپ، پرەزيدەنت قاسىم-جومارت توقاەۆتىڭ ايتۋىنشا، ەكس-پرەزيدەنت نۇرسۇلتان نازارباەۆتىڭ قۇرمەتىنە باسقا دا ەسىمدەر بەرىلۋى ءتيىس ەكەنىن ايتتى. 15 قىركۇيەك كۇنى تاڭەرتەڭ ءماسليحات قابىرعاسىندا اتاۋدى وزگەرتۋ ماسەلەسىن قوعامدىق تالقىلاۋ ءوتىپ، قوعام بەلسەندىلەرى ەلوردانىڭ بۇرىنعى اتاۋى – استاناعا قايتارىلۋىن قولدادى.
بۇل رەتتە نۇر-سۇلتاننىڭ اتىن استانا دەپ وزگەرتۋگە 30 ميلليون تەڭگەدەن الدەقايدا از قاراجات جۇمساۋ جوسپارلانىپ وتىرعانى اتاپ ءوتىلدى.سول كۇنى ءماسليحات ەلوردانىڭ اتاۋىن نۇر-سۇلتاننان استاناعا وزگەرتۋدى ماقۇلدادى. قىركۇيەكتىڭ 16-سى كۇنى پارلامەنت جەتى جىلدىق پرەزيدەنتتىك مەرزىمگە تۇزەتۋلەردى جانە استانا اتاۋىن ەلورداعا قايتارۋدى ماقۇلدادى. 17 قىركۇيەكتە توقاەۆ جەتى جىلدىق پرەزيدەنتتىك مەرزىمىنە تۇزەتۋلەرگە قول قويىپ، ارنايى جارلىقپەن استانانىڭ اتىن ەلورداعا قايتاردى.
”ادىرنا” ۇلتتىق پورتالى
