قازاق كينوسىنىڭ كۇنىنە وراي، الماتىداعى «سارىارقا» كينوتەاترىندا وتاندىق كينەماتوگرافيانىڭ كورنەكتى وكىلى، رەجيسسەر، ستسەناريست، پروديۋسەر سلامبەك تاۋەكەلدىڭ «جەرۇيىق» كوركەم ءفيلمىنىڭ كورسەتىلىمى ءوتتى.
فيلمدە جۇت جىلدارى اتا جۇرتىنان اجىراپ، قازاق قارا توپىراعىن قونىس قىلۋعا ءماجبۇر ايداۋداعى كارىس، نەمىس، تۇركىمەن، شەشەن، كۇرت حالىقتارىنىڭ تاعدىر-تاۋقىمەتى كورسەتىلەدى. قيىن-قىستاۋ شاقتا بوسىپ كەلگەندەرگە كومەك قولىن سوزعان جۇرەگى كەڭ قازاقتار ەرەكشە كوڭىل تولقىتادى. سونداي اق كوڭىل، جومارت، قوناقجاي، اڭعال قازاق كەيىپىندەگى ورىنباي بەينەسىمەنەن بەدەرلى بەرىلەدى.
قازاقستان رەسپۋبليكاسى مادەنيەت جانە اقپارات مينيسترلىگى قولداۋىمەن «جەرۇيىق» ءفيلمىنىڭ كورسەتىلىمىنە «قازاقفيلم» ۇلتتىق كينوستۋدياسى ۇجىمى، ونىڭ باس رەداكتورى بەكبولات شەكەروۆ، كينورەجيسسەر ساتىبالدى تەكەەۆ، سلامبەك تاۋەكەلدىڭ قىزى جاينا سلامبەكقىزى جانە كينوتۋىندىنىڭ ستسەناريسى لاۆرەنتي سون قاتىستى.
جاينا سلامبەكقىزى وسىناۋ شارادا رەجيسسەر سلامبەك تاۋەكەلگە قاتىستى ءوز ەستەلىگىمەن بىلايشا بولىسكەن ەدى: «اكەمىزدىڭ «جەرۇيىق» دەيتىن ءفيلمىنىڭ كورسەتىلۋى ءبىز ءۇشىن ءبىر عانيبەت. اكەمىزدىڭ ەسىمى ءبارىنىڭ جۇرەگىندە ساقتالادى دەگەن ويدامىن. ء…وز شاكىرتتەرىنە ءبىلىم بەرەمىن دەپ ونەر ۋنيۆەرسيتەتىندە ساباق بەردى. سول ستۋدەنتتەرى دە تالاي بەلەس باعىندىردى».
