الماتىدا ءورت سوندىرۋشىلەر رايىمبەك پەن روزىباكيەۆ كوشەلەرىنىڭ قيىلىسىنداعى كوتەرمە ساۋدا ايماعىنداعى قويمالارداعى ءورتتى ءسوندىردى. ءورت اۋماعى 1000 شارشى مەتردەن اسادى، دەپ حابارلايدى «ادىرنا» ۇلتتىق پورتالى قالالىق توتەنشە جاعدايلار دەپارتامەنتىنىڭ ءباسپاسوز قىزمەتىنە سىلتەمە جاساپ.
دۇيسەنبى، 18 جەلتوقسان كۇنى تاڭەرتەڭ 101 نومىرىنە قويماداعى ءورت تۋرالى حابارلاما كەلىپ تۇسكەن.
«ءورت نىسان قىزمەتكەرىنىڭ ءورت تۋرالى كەش حابارلاۋى ناتيجەسىندە پايدا بولدى، ءبىز وقيعا ورنىنا جەدەل شتابتى ورنالاستىردىق، مۇددەلى قالالىق قىزمەتتەردى جۇمىلدىردىق، ءۇش جاۋىنگەرلىك ايماق قۇردىق. ءورتتى سوندىرۋگە جانە كورشى قويمالاردى قورعاۋعا ءورت وقپاندارى ەنگىزىلدى. رايىمبەك داڭعىلىنان تاسىمالداۋ ارقىلى ۇزدىكسىز سۋ بەرۋ قامتاماسىز ەتىلدى»، - دەدى تجد باستىعىنىڭ ورىنباسارى پولكوۆنيك ايتەەۆ اسان.
ءورتتى ءسوندىرۋدى قويمالاردىڭ جوعارى ءورت جۇكتەمەسى قيىنداتقان، بۇل ءورتتىڭ تەز تارالۋىنا، جوعارى تەمپەراتۋرا مەن قويۋ تۇتىنگە ىقپال ەتتى. ءورت سوندىرۋشىلەر ءورتتىڭ جاقىن ماڭداعى تاۋارلار مەن ماتەريالدار (كارتون، قاعاز ونىمدەرى، ازىق-تۇلىك ونىمدەرى) بار قويمالارعا تارالۋىنىڭ الدىن الىپ، سول ارقىلى كاسىپكەرلەر مۇلكىنىڭ ەداۋىر بولىگىن قورعاۋعا مۇمكىندىك تۋدىردى. ءورت 08:50-دە وقشاۋلانىپ، 09:45-تە ءسوندىرىلدى. قۇرباندار مەن زارداپ شەككەندەر جوق. ىسكە 30-دان استام تەحنيكا مەن 100 ادام جۇمىلدىرىلدى.
كاسىپكەرلەر ءورت سوندىرۋشىلەرگە العىستارىن ءبىلدىردى. ءورت سوندىرۋشىلەرگە العىس بىلدىرگەندەردىڭ ءبىرى – «حاملە» فيليالىنىڭ باسشىسى اندرەي ورلوۆ.
«ادىرنا» ۇلتتىق پورتالى
