الماتى قالاسىنىڭ اۆياتسيالىق كولىك پروكۋرورى ۇساق بۇزاقىلىق فاكتىسى بويىنشا ەربولات ابدىروۆكە قاتىستى ءىستى توقتاتۋ تۋرالى اقتاۋ قالاسىنىڭ مامانداندىرىلعان سوتىنىڭ شەشىمىنە شاعىم ءتۇسىردى. بۇل تۋرالى قازاقستان باس كولىك پروكۋراتۋراسى مالىمدەدى، دەپ حابارلايدى “ادىرنا”.
مالىمەت بويىنشا، وسى سوت اكتىسىنىڭ زاڭدىلىعى مەن اپەللياتسيالىق شاعىمنىڭ دالەلدەرى ماڭعىستاۋ وبلىستىق سوتىندا بەلگىلەنگەن تارتىپتە قارالاتىن بولادى.
«قىزمەتتىك تەكسەرۋ جۇرگىزىلۋىنە بايلانىستى «قۇقىق قورعاۋ قىزمەتى تۋرالى» قازاقستان رەسپۋبليكاسى زاڭىنىڭ 38-بابى 1-بولىگىنىڭ 2) تارماعىنا سايكەس ەربولات ءابدىروۆ ونىڭ جاۋاپتىلىعى تۋرالى ماسەلە تۇپكىلىكتى شەشىلگەنگە دەيىن قىزمەتىنەن ۋاقىتشا شەتتەتىلدى»، - دەپ جازىلعان حابارلامادا.
ايتا كەتەيىك، 9 قىركۇيەكتە اقتاۋ پروكۋرورى ەربولات ءابدىروۆتىڭ ۇستالعانى حابارلانعان بولاتىن. ماڭعىستاۋ پروكۋراتۋراسى قىزمەتتىك تەكسەرۋ جۇرگىزدى. 12 قىركۇيەك كۇنى اقتاۋ قالاسىنىڭ اكىمشىلىك قۇقىق بۇزۋشىلىق ىستەرى جونىندەگى سوتى ءىستى قاراپ، ونىڭ ءىس-ارەكەتىنەن زاڭ بۇزۋشىلىقتى تاپپادى.
ەسكە سالساق، 27 تامىز كۇنى الماتى اۋەجايىندا ءابدىروۆ ەكى جەرلەسىمەن تانىسقان. الايدا ۇشاققا اپاراتىن اۆتوبۋستىڭ ىشىندە ولاردىڭ اراسىندا جانجال تۋىنداعان. كەلەسى كۇنى اۋەجايدىڭ جەلىلىك پوليتسيا ءبولىمىنىڭ قىزمەتكەرى ابدىروۆكە قاتىستى اكىمشىلىك حاتتاما تولتىرعان. الايدا سوتتا جەرلەستەرىنىڭ وعان ەشقانداي شاعىمى جوق ەكەنىن مالىمدەدى.
سوت اۆتوبۋستىڭ قوعامدىق كولىككە جاتپايتىنىن ەسكەرىپ، ساراپتاما ناتيجەلەرى پروكۋروردىڭ ەسى دۇرىس، ءوزىن-ءوزى ۇستاۋى قالىپتى بولعانىن راستاعانىن اتاپ ءوتتى.
