اقتاۋدا العاش رەت «كىتاپ كەرۋەن – اقتاۋ» جارمەڭكەسى وتەدى

اقتاۋ قالاسىندا تۇڭعىش رەت 15-16 مامىر كۇندەرى «كىتاپ كەرۋەن – اقتاۋ» كىتاپ جارمەڭكەسى بولادى. جارمەڭكە اقتاۋ قالاسى اكىمدىگىنىڭ قولداۋىمەن، «ستراتەگيالىق زەرتتەۋلەر ورتالىعى GUMOL» مەم-ءنىڭ ۇيىمداستىرۋىمەن وبلىستىق قابيبوللا سىديىقۇلى اتىنداعى ماڭعىستاۋ وبلىستىق امبەباپ كىتاپحاناسىندا وتەدى.
 
15-16 مامىر كۇندەرى ساعات 10:00-دەن 18:00-گە دەيىن وتەتىن كىتاپ جارمەڭكەسىنە رەسپۋبليكامىزدىڭ تۇپكىر-تۇپكىرىنەن كەلگەن باسپالار قاتىسادى. اتاپ ايتقاندا:
 
1. Qasym kitap
2. Steppe&World
3. اباي
4. ارمان-پۆ
5. ZIYAT
6. SANA
7. MAZMUNDAMA
8. Marfu
9. وتباسى حرەستوماتياسى
10. WIK HOUSE
 
باسپالارىمەن قاتار كىتاپسۇيەر قاۋىم ءۇشىن جارمەڭكەگە اقىن-جازۋشىلار: روزا مۇقانوۆا، وڭايگۇل تۇرجان، سۆەتقالي نۇرجان، زيرا ناۋرىزباي، باقىتگۇل سارمەكوۆا جانە ت.ب قالامگەرلەر، قوعام قايراتكەرلەرى مەن كىتاپ اۆتورلارى دا كەلەدى. اۆتورلارمەن سۋرەتكە ءتۇسىپ، قولتاڭباسىمەن كىتابىن الۋعا مۇمكىندىك تۋادى. بۇدان بولەك، جاڭا كىتاپتاردىڭ تۇساۋكەسەر راسىمدەرى، ءتۇرلى تاقىرىپتاردا سەكتسيالىق وتىرىستار وتەدى. جارمەڭكەدە ءتۇرلى ويىندار، وقىرماندارعا ارنالعان ءىس-شارالار دا بولادى.