Almaty qalasynyŋ Aviasiialyq kölık prokurory ūsaq būzaqylyq faktısı boiynşa Erbolat Äbdırovke qatysty ıstı toqtatu turaly Aqtau qalasynyŋ mamandandyrylǧan sotynyŋ şeşımıne şaǧym tüsırdı. Būl turaly Qazaqstan Bas kölık prokuraturasy mälımdedı, dep habarlaidy “Adyrna”.
Mälımet boiynşa, osy sot aktısınıŋ zaŋdylyǧy men apelliasiialyq şaǧymnyŋ dälelderı Maŋǧystau oblystyq sotynda belgılengen tärtıpte qaralatyn bolady.
«Qyzmettık tekseru jürgızıluıne bailanysty «Qūqyq qorǧau qyzmetı turaly» Qazaqstan Respublikasy zaŋynyŋ 38-baby 1-bölıgınıŋ 2) tarmaǧyna säikes Erbolat Äbdırov onyŋ jauaptylyǧy turaly mäsele tüpkılıktı şeşılgenge deiın qyzmetınen uaqytşa şettetıldı», - dep jazylǧan habarlamada.
Aita keteiık, 9 qyrküiekte Aqtau prokurory Erbolat Äbdırovtıŋ ūstalǧany habarlanǧan bolatyn. Maŋǧystau prokuraturasy qyzmettık tekseru jürgızdı. 12 qyrküiek künı Aqtau qalasynyŋ äkımşılık qūqyq būzuşylyq ısterı jönındegı soty ıstı qarap, onyŋ ıs-äreketınen zaŋ būzuşylyqty tappady.
Eske salsaq, 27 tamyz künı Almaty äuejaiynda Äbdırov ekı jerlesımen tanysqan. Alaida ūşaqqa aparatyn avtobustyŋ ışınde olardyŋ arasynda janjal tuyndaǧan. Kelesı künı äuejaidyŋ jelılık polisiia bölımınıŋ qyzmetkerı Äbdırovke qatysty äkımşılık hattama toltyrǧan. Alaida sotta jerlesterınıŋ oǧan eşqandai şaǧymy joq ekenın mälımdedı.
Sot avtobustyŋ qoǧamdyq kölıkke jatpaitynyn eskerıp, saraptama nätijelerı prokurordyŋ esı dūrys, özın-özı ūstauy qalypty bolǧanyn rastaǧanyn atap öttı.
