Shymkenttik kásipkerler memleketten bólingen 1 mıllıon 225 myń teńge kólemindegi qarjylaı kómekti toı, qudalyq, nesıeni óteýge jumsaǵan, dep habarlaıdy “Adyrna” ulttyq portaly.
Shymkent qalalyq jumyspen qamtýdy úılestirý jáne halyqty áleýmettik qorǵaý basqarmasy basshysy Balmarjan Narbekovanyń aıtýynsha, 2021 jyly 23 shymkenttik memlekettik grantty osylaısha jumsaǵan. Qaıtarylmas granttardy óz muqtajdaryna jumsaǵan isin jańa bastaǵan kásipkerler jaýapqa tartylyp, qarjysy qazynaǵa qaıtaryldy.
"Qaryzdardy óteýge, nesıelerdi óteýge, úılený toılaryna aqsha alýǵa bolmaıdy. Báriniń suraýy bar, az soma emes - 1 mıllıon 225 myń teńge. Bul aqsha bıznesti jaqsartýǵa jáne kásipker ózine jáne qalanyń basqa turǵyndaryna jumys tabýy úshin beriledi. Endi ereje bar: toqsan saıyn esep berýdi talap etemiz. Qandaı da bir zańbuzýshylyqtar anyqtalǵan jaǵdaıda jaýapqa tartamyz. Sondyqtan bárin osy máselege baıyppen qaraýdy suraımyz"", - dedi Balmarjan Narbekova brıfıngte.
”Adyrna” ulttyq portaly
