11 قاڭتار كۇنى شىمكەنتتە 21 جاستاعى قىز پىشاق جاراقاتىنان كوز جۇمدى. قىلمىستىڭ بولعانىن قالا پوليتسياسى راستادى، دەپ حابارلايدى "ادىرنا".
پوليتسيا وكىلدەرى قىزدىڭ ولىمىنە قاتىسى بار دەگەن كۇدىكتىنىڭ جەكە باسىن انىقتادى. ۆەدومستۆو قىلمىستىق ءىس قوزعادى.
«كۇدىكتىنىڭ جەكە باسى انىقتالدى. الدىن الا مالىمەتكە سايكەس، ول مارقۇممەن بۇرىن تانىس بولعان. قازىرگى ۋاقىتتا ونى ۇستاۋ جانە قىلمىستىق جاۋاپكەرشىلىككە تارتۋ ماقساتىندا بارلىق قاجەتتى جەدەل-ىزدەستىرۋ ءىس-شارالارى جۇرگىزىلىپ جاتىر. قىلمىستىق-پروتسەستىك كودەكستىڭ 201-بابىنا سايكەس، تەرگەۋ مۇددەسىنە بايلانىستى وزگە اقپارات جاريا ەتۋگە جاتپايدى، – دەلىنگەن شىمكەنت قالاسى پوليتسيا دەپارتامەنتى تاراتقان اقپاراتتا.
Otyrar.kz پورتالى تاراتقان بەينەجازبادان ءتارتىپ ساقشىلارىنىڭ قولىندا بەينەباقىلاۋ كامەرالارىنان الىنعان جازبا بارىن كورۋگە بولادى. سونداي-اق قىلمىس كوشەدە جاسالۋى مۇمكىن دەگەن بولجام بار. پوليتسيا ازاماتتاردى راستالماعان اقپاراتتى تاراتپاۋعا جانە تەك رەسمي دەرەككوزدەرگە سەنۋگە شاقىردى.
