فوتو: commons.wikimedia/CeeGee
انكارادا العاشقى تۇرىك نەگىزگى جاۋىنگەرلىك تانكى (وبت) Altay-دىڭ سەريالىق ءوندىرىسى باستالدى. بۇل تۋرالى تۇركيانىڭ بۇقارالىق اقپارات قۇرالدارى جاريالادى، دەپ حابارلايدى “ادىرنا”.
اقپاراتقا سايكەس، 65 توننا سالماقتاعى جاۋىنگەرلىك تەحنيكا ەلدىڭ اسكەري ينجەنەرلەرى ازىرلەگەن جانە تۇرىك كومپونەنتتەرى نەگىزىندە جاسالعان. اتاپ ايتقاندا، تانكتىڭ كۇش قوندىرعىسى تۇركيادا جاسالعان BATU قوزعالتقىشىمەن جابدىقتالعان. ال اتىس قۋاتى MKEK120 تەگىس ۇڭعىلى 120 مم زەڭبىرەگى ارقىلى جۇزەگە اسادى.
Altay – تۇركيانىڭ العاشقى نەگىزگى جاۋىنگەرلىك تانكىسى. ول نەمىستىڭ Leopard 1-2 ۇلگىلەرىن، سونداي-اق ەسكىرگەن امەريكالىق M48 جانە M60 تانكتەرىن الماستىرۋعا ارنالعان. تانكى سىناقتان ءساتتى وتكەن، سونىمەن قاتار تۇركيانىڭ وداقتاستارىنا دا ەكسپورتتالماق.
