Foto: commons.wikimedia/CeeGee
Ankarada alǧaşqy türık negızgı jauyngerlık tankı (OBT) Altay-dyŋ seriialyq öndırısı bastaldy. Būl turaly Türkiianyŋ būqaralyq aqparat qūraldary jariialady, dep habarlaidy “Adyrna”.
Aqparatqa säikes, 65 tonna salmaqtaǧy jauyngerlık tehnika eldıŋ äskeri injenerlerı äzırlegen jäne türık komponentterı negızınde jasalǧan. Atap aitqanda, tanktıŋ küş qondyrǧysy Türkiiada jasalǧan BATU qozǧaltqyşymen jabdyqtalǧan. Al atys quaty MKEK120 tegıs ūŋǧyly 120 mm zeŋbıregı arqyly jüzege asady.
Altay – Türkiianyŋ alǧaşqy negızgı jauyngerlık tankısı. Ol nemıstıŋ Leopard 1-2 ülgılerın, sondai-aq eskırgen amerikalyq M48 jäne M60 tankterın almastyruǧa arnalǧan. Tankı synaqtan sättı ötken, sonymen qatar Türkiianyŋ odaqtastaryna da eksporttalmaq.
