ءال-فارابي اتىنداعى قازاق ۇلتتىق ۋنيۆەرسيتەتى، جۋرناليستيكا فاكۋلتەتىنىڭ وقىتۋشىسى قاستاي داستان قۋاندىقۇلىن جۇمىستان شىعارىپ، قىسىم جاساعان مەنەدجەر قىزمەتىنەن بوساتىلدى. بۇل تۋرالى ءال-فارابي اتىنداعى قازۇۋ جۋرناليستيكا فاكۋلتەتى ءباسپاسوز جانە ەلەكتروندى باق كافەدراسىنىڭ مەڭگەرۋشىسى، پروفەسسور گۇلميرا سۇلتانباەۆا Facebook پاراقشاسىندا جازدى، دەپ حابارلايدى “ادىرنا” ۇلتتىق پورتالى.
“بۇگىن جۋرناليستيكا فاكۋلتەتىنىڭ دەكانى تەمىرعالي كوپباەۆ ورتامىزعا كەلىپ، كوزايىم بولىپ جاتىرمىز.
ونىڭ ۇستىنە فاكۋلتەتتەگى جاعداي رەتتەلىپ، داستان قاستايدىڭ وقىتۋشىلىق قىزمەتىنە قاتىستى بارلىق ماسەلە ورىن-ورنىنا كەلدى. ۋنيۆەرسيتەت باسشىلىعى تاراپىنان اكادەميالىق ماسەلەر بويىنشا پرورەكتور ءلاززات قالىمبەكقىزى ەركىنباەۆا فاكۋلتەت ۇستازدارىمەن كەزدەسىپ، ۇجىمنىڭ وي-پىكىرىن تىڭدادى. 22.09.2023-09.10.2023 ارالىعىندا دەكان مانشۇك مۇقاشەۆانىڭ داستان قاستايعا جاساعان قىسىمى اشىق ايتىلدى. بۇگىننەن باستاپ ۋنيۆەرسيتەت رەكتورى م.مۇقاشەۆانى قىزمەتىنەن شىعارۋ تۋرالى بۇيرىق شىعاردى. جاس وقىتۋشىعا جاسالعان قىسىم تۋرالى ۋنيۆەرسيتەت باسشىلىعى دەر كەزىندە حاباردار بولماعانى راس. اكادەميالىق ادالدىق پەن ادىلەتتىلىك ورنادى دەپ ۇلكەن سەنىممەن جۇمىسقا كىرىستى”، دەپ جازدى گۇلميرا سۇلتانباەۆا.
ەسكە سالايىق، ءال-فارابي اتىنداعى قازاق ۇلتتىق ۋنيۆەرسيتەتى، جۋرناليستيكا فاكۋلتەتىنىڭ وقىتۋشىسى قاستاي داستاندى ۋنيۆەرسيتەت باسشىلىعىنىڭ ەشبىر سەبەپسىز جۇمىستان شىعارىپ جىبەرگەنىنە قاتىستى نارازىلىعىن بىلدىرگەنىن حابارلاعان ەدىك.
