وڭىرلىك جۋرناليستيكانى دامىتۋ جانە مەديا سالاسىنداعى ىنتىماقتاستىقتى كۇشەيتۋ ماقساتىندا باس رەداكتورلار كلۋبى الماتى قالاسىنا رەسمي وكىل تاعايىندادى.
بۇل جاۋاپتى قىزمەتكە بەلگىلى مەديامەنەدجەر، «Alatau Aqparat» مەدياحولدينگىنىڭ باس ديرەكتورى ەرجان قالىمبايۇلى بەكىتىلدى.
الماتى – ەلىمىزدىڭ ەڭ ءىرى قالاسى، مادەنيەت پەن ونەر ورتالىعى ءارى قازاق جۋرناليستيكاسىنىڭ تاريحي ورداسى. وسىعان بايلانىستى مۇندا مەدياجوبالاردى جۇزەگە اسىرۋ ءۇشىن كاسىبي تاجىريبەسى مول تۇلعانى تاعايىنداۋ تۋرالى شەشىم قابىلداندى.
ەرجان قالىمبايۇلى – تانىمال جۋرناليست، ىستامبۇل ۋنيۆەرسيتەتىنىڭ دوكتورانتى. ول تۇرىك جانە اعىلشىن تىلدەرىن مەڭگەرگەن. ەڭبەك جولىن قاراعاندى وبلىستىق «ورتالىق قازاقستان» گازەتىندە ءتىلشى بولىپ باستاعان. كەيىن «قازاقستان رترك»، «جەبە»، «ايقىن» گازەتى، «حابار اگەنتتىگى»، «Qazaq radiosy»، «ەلارنا» سياقتى رەسپۋبليكالىق باق-تا ءتۇرلى لاۋازىمداردا قىزمەت اتقاردى.
سونىمەن بىرگە، «ULYS» حالىقارالىق ديدجيتال جۋرنالى مەن ulys.kz اقپاراتتىق-ساراپتامالىق سايتىنىڭ نەگىزىن قالاۋشى ءارى باس رەداكتورى بولعان. حالىقارالىق ۇيىمدار مەن مەملەكەتتىك قىزمەتتە دە ەڭبەك ەتكەن.
2023 جىلدان بەرى «Alatau Aqparat» مەدياحولدينگىنىڭ باس ديرەكتورى قىزمەتىن اتقارىپ كەلەدى. كومپانيا قۇرامىنا «Almaty akshamy»، «ۆەچەرني الماتى» گازەتتەرى مەن «aqshamnews.kz»، «vecher.kz» جانە alnews.kz اقپاراتتىق پورتالدارى كىرەدى.
