جۋرناليستەر قۇقىعىن قورعايتىن كوميتەت قازتاگ اقپاراتتىق اگەنتتىگى باسشىلىعىنا قاتىستى قوزعالعان قىلمىستىق ءىس تۋرالى پىكىر ءبىلدىردى، دەپ حابارلايدى "ادىرنا" ۇلتتىق پورتالى.
ۇيىمنىڭ مالىمدەۋىنشە، قازتاگ ديرەكتورى اسەت ماتاەۆ پەن باس رەداكتور ءامىر قاسەنوۆ «جالعان اقپارات تاراتۋ» بابى بويىنشا ايىپتالىپ، سوتقا شاقىرتۋ الماق.
بۇل – ءدال وسىنداي ايىپپەن تانىمال جۋرناليست گۇلنار باجكەنوۆا قاماۋعا الىنعاننان كەيىن ءبىر اپتا وتكەن سوڭ بولىپ وتىر.
ء«بىز قازاقستان بيلىگىن جالعان اقپارات پەن جالا جابۋ باپتارىن قىلمىستىق كودەكستەن الىپ تاستاۋعا جانە مۇنداي داۋلاردى تەك ازاماتتىق سوت تارتىبىمەن قاراۋعا شاقىرامىز»، – دەلىنگەن كوميتەت حابارلاماسىندا.
كوميتەت – 1981 جىلى قۇرىلعان، نيۋ-يوركتە ورنالاسقان حالىقارالىق تاۋەلسىز ۇيىم.
ول الەمنىڭ 120-دان استام ەلىندە جۋرناليستەردىڭ قۇقىعى بۇزىلعان جاعدايلاردى باقىلايدى، تەرگەۋلەر جۇرگىزەدى، «Attacks on the Press» جانە باسقا دا ەسەپتەر جاريالايدى.
ەسكە سالايىق، قازتاگ باسشىلىعىنا قاتىستى ءىس Freedom Finance كومپانياسىنداعى الاياقتىقتان زارداپ شەككەن ادۆوكات پەن ازاماتتاردىڭ كورسەتۋلەرى نەگىزىندە قوزعالعان.
