Öŋırlık jurnalistikany damytu jäne media salasyndaǧy yntymaqtastyqty küşeitu maqsatynda Bas redaktorlar kluby Almaty qalasyna resmi ökıl taǧaiyndady.
Būl jauapty qyzmetke belgılı mediamenedjer, «Alatau Aqparat» mediaholdingınıŋ Bas direktory Erjan Qalymbaiūly bekıtıldı.
Almaty – elımızdıŋ eŋ ırı qalasy, mädeniet pen öner ortalyǧy ärı qazaq jurnalistikasynyŋ tarihi ordasy. Osyǧan bailanysty mūnda mediajobalardy jüzege asyru üşın käsıbi täjıribesı mol tūlǧany taǧaiyndau turaly şeşım qabyldandy.
Erjan Qalymbaiūly – tanymal jurnalist, Ystambūl universitetınıŋ doktoranty. Ol türık jäne aǧylşyn tılderın meŋgergen. Eŋbek jolyn Qaraǧandy oblystyq «Ortalyq Qazaqstan» gazetınde tılşı bolyp bastaǧan. Keiın «Qazaqstan RTRK», «Jebe», «Aiqyn» gazetı, «Habar agenttıgı», «Qazaq radiosy», «Elarna» siiaqty respublikalyq BAQ-ta türlı lauazymdarda qyzmet atqardy.
Sonymen bırge, «ULYS» halyqaralyq didjital jurnaly men ulys.kz aqparattyq-saraptamalyq saitynyŋ negızın qalauşy ärı bas redaktory bolǧan. Halyqaralyq ūiymdar men memlekettık qyzmette de eŋbek etken.
2023 jyldan berı «Alatau Aqparat» mediaholdingınıŋ Bas direktory qyzmetın atqaryp keledı. Kompaniia qūramyna «Almaty akshamy», «Vechernii Almaty» gazetterı men «aqshamnews.kz», «vecher.kz» jäne alnews.kz aqparattyq portaldary kıredı.
