اقتاۋدا وتكەن تامىز ايىنداعى وبلىستىق ءبىلىم بەرۋ قىزمەتكەرلەرىنىڭ كونفەرەنتسياسىندا ماڭعىستاۋ وبلىسىنىڭ اكىمى نۇرداۋلەت قيلىباي كەلەسى جىلى وڭىردە درون-تاكسي ىسكە قوسىلاتىنىن ايتتى، دەپ حابارلايدى "ادىرنا" ۇلتتىق پورتالى Lada.kz-كە سىلتەمە جاساپ.
كەشە اقتاۋدا ء«بىلىم بولاشاعى: ادال ازامات، كاسىبي مامان» تاقىرىبىندا ءداستۇرلى وبلىستىق تامىز كونفەرەنتسياسى ءوتتى.
جيىنعا وبلىس اكىمى نۇرداۋلەت قيلىباي، قر وقۋ-اعارتۋ مينيسترلىگىنىڭ ورتا ءبىلىم كوميتەتىنىڭ توراعاسى قانىبەك جۇماشەۆ، ءماجىلىس دەپۋتاتى نۇرگۇل تاۋ، بەلگىلى قازاقستاندىق جانە شەتەلدىك سپيكەرلەر، سونداي-اق 700-دەن استام ءبىلىم بەرۋ ۇيىمدارىنىڭ باسشىلارى مەن سالا قىزمەتكەرلەرى قاتىستى.
ءوز سوزىندە ءوڭىر باسشىسى يننوۆاتسيالىق كولىك ءتۇرىنىڭ ەنگىزىلەتىنىن اتاپ ءوتتى.
– كەلەسى جىلى وبلىستا درون-تاكسي ىسكە قوسىلادى. ولار اقتاۋدان تۋريستەردى ءوڭىردىڭ نەگىزگى كورىكتى جەرلەرىنە جەتكىزۋ ءۇشىن پايدالانىلاتىن بولادى، – دەدى اكىم.
سونىمەن قاتار، وبلىس اكىمى بيىلعى وقۋ جىلىنان باستاپ ءۇش جىل ىشىندە كەزەڭ-كەزەڭىمەن ارنايى دايارلىقتان وتكەن 50 مەكتەپ ديرەكتورىن تاجىريبە الماسۋ ماقساتىندا سينگاپۋر مەن قىتايعا جىبەرىلەتىنىن مالىمدەدى. بۇدان بولەك، 30 وقۋشىنى اقش-تا ءبىلىم الۋعا جىبەرۋ جوسپارلانىپ وتىرعانىن ايتتى.
