Qazaqstan Respublikasy Konstitusiiasynyŋ 30 jyldyǧy qarsaŋynda Qazaqstannyŋ Alpinizm jäne qūzǧa şyǧu federasiiasynyŋ müşesı Ǧalymjan Qūspanov 26 tamyzda İrannyŋ eŋ biık şyŋy – Damavand şyŋyn (5671 m) baǧyndyrdy. Būl turaly Tegerandaǧy Qazaqstan elşılıgı jazdy, dep habarlaidy “Adyrna”.
Ǧalymjan Qūspanov — tek Qazaqstanda ǧana emes, halyqaralyq deŋgeide de tanymal alpinisterdıŋ bırı. Ol būǧan deiın üş auqymdy jobaǧa qatysyp, erekşe şeberlık pen tözımdılıktı tanytqan:
- «Qūrlyqtyŋ eŋ biık 7 şyŋy»;
- «Qūrlyqtyŋ eŋ biık 7 janartauy»;
- «Qar barysy» baǧdarlamasy.
Aita ketsek, Damavand — Aziiadaǧy eŋ biık janartaulardyŋ ärı İrannyŋ ūlttyq simvoldarynyŋ bırı. Oǧan köterılu tek fizikalyq daiyndyqty ǧana emes, sondai-aq joǧary biıktıkke beiımdeludı talap etetın kürdelı ekspedisiia.
Ūqsas jaŋalyqtar
