ۆلاديمير پۋتين بۇرىن اسكەري قىزمەتكە شاقىرىلعان رەسەيلىكتەردىڭ ءبىر ساناتىن دەموبيليزاتسيالاۋعا بۇيرىق بەردى. بۇل تۋرالى رف پرەزيدەنتى ءباسپاسوز حاتشىسى دميتري پەسكوۆ مالىمدەدى، دەپ حابارلايدى "ادىرنا" ۇلتتىق پورتالى.
رەسەي پرەزيدەنتىنىڭ تاپسىرماسى دونەتسك جانە لۋگانسك حالىق رەسپۋبليكالارىنىڭ (دحر جانە لحر) ستۋدەنتتەرىنە قاتىستى بولادى. ونىڭ ۇستىنە ولاردى وقۋعا قايتارۋ كەرەك.
«قازىرگى ۋاقىتتا حالىق جاساقتارىنىڭ كۇشتەرى رەسەيگە دحر مەن لحر كىرگەننەن كەيىن رف-نىڭ قارۋلى كۇشتەرىنە بىرىكتىرىلدى. پۋتين ستۋدەنتتەردى دەموبيليزاتسيالاۋدى جانە ولاردىڭ وقۋ ورىندارىنا ورالۋىن ۇيىمداستىرۋدى تاپسىردى»، - دەدى كرەمل وكىلى.
ەستەرىڭىزگە سالا كەتەيىك، 31 قازاندا رەسەي قورعانىس مينيسترلىگى ءىشىنارا جۇمىلدىرۋ اياسىندا شاقىرۋ قاعازدارىن دايىنداۋ جانە تاپسىرۋ شارالارى توقتاتىلعانىن حابارلادى. الايدا پۋتين جۇمىلدىرۋدى اياقتاۋ تۋرالى جارلىققا قول قويمادى جانە بۇل ماسەلە بويىنشا زاڭگەرلەرمەن كەڭەسكەنىن مالىمدەدى. كرەمل ءوز كەزەگىندە جۇمىلدىرۋ اياقتالعاننان كەيىن زاڭگەرلەردىڭ قورىتىندىسىن جاريالاۋدى قاجەت دەپ تاپپادى.
"ادىرنا" ۇلتتىق پورتالى
