اقش ادىلەت مينيسترلىگى ماسكەۋ ماڭىنداعى "كروكۋس سيتي حولل" عيماراتىندا بولعان تەراكتتى ۇيىمداستىردى دەگەن كۇدىكپەن ءبىر ادامنىڭ ۇستالعانىن مالىمدەدى، دەپ حابارلايدى "ادىرنا" ۇلتتىق پورتالى BBC-گە سىلتەمە جاساپ.
ۇستالعان كۇدىكتى – موحامماد شاريفۋللا. ول قازاقستاندا تىيىم سالىنعان "يسلام ۇيىمىنا" كىرەتىن "ۆيلايات حوراسان" تەرروريستىك توبىنىڭ ىقتيمال مۇشەسى.
تەرگەۋ مالىمەتتەرىنە سايكەس، شاريفۋللا "كروكۋس سيتي حوللعا" شابۋىل جاساعان لاڭكەستەرگە نۇسقاۋ بەرىپ، كالاشنيكوۆ اۆتوماتىن قولدانۋدى ۇيرەتكەن.
ول سونىمەن قاتار تەراكتىگە قاتىسى بار ەكى لاڭكەستى تانىعانىن مويىندادى.
اقش بيلىگى كۇدىكتىنى تاعى بىرقاتار لاڭكەستىك ارەكەتتەرگە، سونىڭ ىشىندە 2021 جىلى تامىز ايىندا 13 امەريكالىق ساربازدىڭ ولىمىنە سەبەپ بولعان جانكەشتى شابۋىلىنا جاۋاپتى دەپ ايىپتاپ وتىر.
ايتا كەتەيىك، 2024 جىلدىڭ 22 ناۋرىزىندا قارۋلى توپ ماسكەۋ ماڭىنداعى "كروكۋس سيتي حولل" عيماراتىنا كىرىپ، بەيبىت تۇرعىندارعا وق جاۋدىرعان. كەيىن عيماراتتى ورتەپ جىبەرگەن.
رەسمي مالىمەت بويىنشا 100-دەن استام ادام قازا تاۋىپ، 1700-دەن اسا ادام زارداپ شەكتى.
قازىرگى تاڭدا تەرگەۋ جالعاسۋدا.
