رامازان ايىنىڭ باستالۋىنا وراي تاجىكستان پرەزيدەنتى ەمومالي راحمون جەرلەستەرىنە ءسوز سويلەدى. ءدىني ءفاناتيزمنىڭ كورىنىستەرى ەلگە قاۋىپ توندىرەتىن ناداندىقتىڭ ءبىر ءتۇرى ەكەنىن ەسكەرتتى. بۇل تۋرالى تاجىكستان پرەزيدەنتىنىڭ سايتىندا ايتىلعان، دەپ حابارلايدى “ادىرنا” ۇلتتىق پورتالى.
راحمون ءبىلىمدى دىنمەن الماستىرۋدىڭ قايعىلى سالدارى بولۋى مۇمكىن ەكەنىن باسا ايتتى. پرەزيدەنت تاجىكستان تۇرعىندارىن ءبىلىم مەن عىلىمعا كوبىرەك كوڭىل بولۋگە شاقىردى.
تاجىكستان باسشىسى فاناتيزم ۇلتقا تەك قاسىرەت اكەلەتىن ناداندىق ەكەنىن اتاپ ءوتتى. سونداي-اق ول ساۋد ارابياسى، ءباا، كاتار، كۋۆەيت سياقتى كەيبىر مۇسىلمان ەلدەرىندە عىلىم مەن تەحنولوگيانىڭ پروگرەسس پەن دامۋعا ىقپال ەتەتىنىن، بۇل ەسكىرگەن ۇعىمدار مەن يدەيالاردى جويۋعا اكەلەتىنىن اتاپ ءوتتى.
