قازاقستان پرەمەر-ءمينيسترى ولجاس بەكتەنوۆ “روساتوم” مەملەكەتتىك كورپوراتسياسىنىڭ باس ديرەكتورى الەكسەي ليحاچەۆپەن كەزدەستى، دەپ حابارلايدى "ادىرنا" ۇلتتىق پورتالى.
كەزدەسۋ بارىسىندا الماتى وبلىسىندا قازاقستانداعى العاشقى اتوم ەلەكتر ستانتسياسىنىڭ (اەس) قۇرىلىسىن باستاۋ رەسمي تۇردە ىسكە قوسىلعانى ايتىلدى.
تاراپتار قازاقستاندىق تاۋارلار مەن قىزمەتتەردىڭ ۇلەسىن ارتتىرۋ تەتىكتەرىن، وتاندىق جابدىقتار مەن ماتەريالداردى پايدالانۋ، كادر دايارلاۋ جانە تاجىريبە الماسۋ ماسەلەلەرىن تالقىلادى. سونداي-اق يادرولىق-وتىن تسيكلى پروتسەستەرىن جەرگىلىكتەندىرۋ جانە حالىقارالىق كونسورتسيۋم قالىپتاستىرۋدىڭ پراكتيكالىق قىرلارى قارالدى.
پرەمەر-مينيستر اەس قۇرىلىسى پرەزيدەنتتىڭ تىكەلەي باقىلاۋىندا ەكەنىن جانە ۇكىمەت جوبانى جۇزەگە اسىرۋ ءۇشىن قاجەتتى قولداۋ كورسەتەتىنىن اتاپ ءوتتى.
